୨୦୮ଗଞ୍ଜେଇ ଜବତ,୩ ଗିରଫ ।
ମାଲକାନଗିରି,୧୨/୦୪(ପିପିଟି):ରବିବାର ଦିନ ଚିତ୍ରକୋଣ୍ଡା ପୋଲିସ ୨୦୮ କେଜି ୮ଶହ ଗ୍ରାମ ଗଞ୍ଜେଇ ଜବତ କରି ୩ ଜଣଙ୍କୁ ଗିରଫ କରିଛି। ଗଞ୍ଜେଇ ଚୋରା ଚାଲାଣ ହେଉଥିବା ନେଇ ପୋଲିସକୁ ଖବର ମିଳିଥିଲା। ଏନେଇ ଓଆଇସି ସୂର୍ଯ୍ୟପ୍ରକାଶ ନାୟକଙ୍କ ନେତୃତ୍ୱରେ ଚିତ୍ରକୋଣ୍ଡା ପୋଲିସର ଏକ ଟିମ୍ ଚିତ୍ରକୋଣ୍ଡା-ବାଲିମେଳା ମୁଖ୍ୟ ରାସ୍ତାର ମନ୍ତ୍ରୀପୁଟ ଛକ ନିକଟରେ ଜଗି ରହିଥିଲା। ସେତିକିବେଳେ ଏକ ନମ୍ବର ବିହିନ ଅଟୋକୁ ଅଟକାଇ ପୋଲିସ କର୍ମଚାରୀ ଯାଞ୍ଚ କରିଥିଲେ। ଯାଞ୍ଚ ବେଳେ ଅଟୋରୁ ୮ଟି ବ୍ୟାଗରେ ୨୦୮ କେଜି ଗଞ୍ଜେଇ ମିଳିଥିଲା। ପୋଲିସ ଗଞ୍ଜେଇ ଜବତ କରି ଘଟଣାରେ ସମ୍ପୃକ୍ତ ୩ ଜଣଙ୍କୁ ଗିରଫ କରିଥିଲା। ସେମାନେ ହେଲେ ଦିଲଶାଦ କୁରେଶି(୩୦),କସିମ ହୁସେନ(୩୩),ବିଜୟ କୁମାର ଶର୍ମା(୫୭)ପୋଲିସ ଅଟୋ ସହ ଯାଉଥିବା ଏକ ହିରୋମେଷ୍ଟ୍ରୋ (ସିଜି ୧୭ କେଏମ- ୨୦୯୯) ଜବତ କରିଛି। ଅଭିଯୁକ୍ତଙ୍କ ଠାରୁ ପୋଲିସ ନଗଦ ୪୫୦୦ ଟଙ୍କା, ଗୋଟିଏ ମୋବାଇଲ ଫୋନ, ଏଟିଏମ୍ କାର୍ଡ, ଭୋଟର ଆଇଡି କାର୍ଡ ଜବତ କରିଛି। ଗଞ୍ଜେଇ ଚିତ୍ରକୋଣ୍ଡାର ସିଡ଼ିପାକା ଅଞ୍ଚଳରୁ ଦାନ୍ତେୱାଡାକୁ ଯାଉଥିବା ଜଣାପଡିଛି। ଏନେଇ ଚିତ୍ରକୋଣ୍ଡା ଥାନା ପୋଲିସ ଏକ ମାମଲା (ନଂ.୪୯/୨୨) ରୁଜୁ କରି ତଦନ୍ତ ଚଳାଇଛି।
(ରିପୋର୍ଟ:ବରିଷ୍ଠ ସାମ୍ବଦିକ କେଶବ ଚନ୍ଦ୍ର ନାୟକ,ମାନକାନଗିରି)