୧୫୦୧ କିଲୋ ଗଞ୍ଜେଇ ଜବତ,ଜଣେ ଗିରଫ ।

ମାଲକାନଗିରି,୦୩/୧୦(ପିପିଟି): ଚିତ୍ରକୋଣ୍ଡା ପୋଲିସ ଗତ କାଲି ରାତ୍ର କାଳିନ ପେଟ୍ରୋଲିଂ କରୁଥିବା ସମୟରେ ଏକ ଟାଟା ଏସିଇ ଗାଡିରୁ ୧୫୦୧ କିଲୋ ଗଞ୍ଜେଉ ଜବତ କରିବା ସହ ଜଣେ ଗାଡି ଚାଳକକୁ ଗିରଫ କରି ଆଜି କୋର୍ଟ ଚାଲାଣ କରିଛି । ପ୍ରାପ୍ତ ସୂଚନା ଅନୁସାରେ ଗତ କାଲି ଚିତ୍ରକୋଣ୍ଡା ଥାନା ଓଆଇସି ଏସପି ନାଏକ ପୋଲିସ ଦଳ ବଳ ସହ ରେଖାପାଲ୍ଲୀ-ଦାରାକୋଣ୍ଡା (ଓଡିଶା-ଆନ୍ଧ୍ର )ସୀମାନ୍ତବର୍ତ୍ତୀ ଅଞ୍ଚଳରେ ପଇଁତରା ମାରୁଥିବା ସମୟରେ ଏକ ଟାଟା ଗାଡି (ନଂ:ଏପି-୨୭ ଟିୱାଇ – ୭୪୪୭) ସେହି ପଥ ଦେଇ ଆନ୍ଧ୍ରର ରାଜମଣ୍ଡ୍ରି ଅଭିମୁଖେ ଦ୍ରୁତଗତି ଅତିକ୍ରମ କରୁଥିଲା । ପୋଲିସ ଉକ୍ତ ଗାଡିକୁ ଅଟକାଇ ତଦନ୍ତ କଲା ପରେ ଡାଲ. ଭିତରେ ୫୦ ବସ୍ତା ଗଞ୍ଜେଇ ବୋଝେଇ ହୋଇବା ଦେଖିବାକୁ ମିଳଥିଲା । ସେହି ଗଞ୍ଜେଇର ଓଜନ ୧୫୦୧ କିଗ୍ରା ୨୫୦ ଗ୍ରାମ ବୋଲି ପୋଲିସ ସାମ୍ବାଦିକ ସମ୍ମିଳନୀରେ ପ୍ରକାଶ କରିଛି । ଉକ୍ତ ଗାଡି ଚଳକର ନାମ ନାଗବତୁଲା (୨୨) ହୋଇଥିବା ବେଳେ ସେ ଆନ୍ଧ୍ର ପ୍ରଦେଶର ଇଷ୍ଟ ଗୋଦାବରୀ ଜିଲ୍ଲା ଅନ୍ତର୍ଗତ ଆମଲାପୁରମ୍ ଗ୍ରାମର ବୋଲି ଜଣା ପଡିଛି । ପୋଲିସ ଗାଡି ଚାଳକକୁ ଗିରଫ କରିବା ସହ ଅଭିଯୁକ୍ତ ନାମରେ ଚିତ୍ରକୋଣ୍ଡା ପୋଲିସ ଥାନା କେଶ ନଂ:୧୨୧/ତା:୩.୧୦.୨୦୨୧ , ୟୁ/ଏସ ୨୦(ବି)(ସି)୨୭-ଏ/୨୯ ଏନଡିପିଏସ୍ ଆକ୍ଟ ଅନୁସାରେ ମାମଲା ରୁଜୁ କରାଯାଇ ଆଜି କୋର୍ଟ ଚାଲାଣ କରାଯାଇଛି ।ଆସାମୀ ଠାରୁ ଗୋଟାଏ ମୋବାଇଲ ଫୋନ୍ ଏବଂ ୯୫୦ ଟଙ୍କା ନଗଦ ରାଶି ଜବତ କରିଛି ପୋଲିସ ।
(ରିପୋର୍ଟ:ବରିଷ୍ଠ ସାମ୍ବାଦିକ କେଶବ ଚନ୍ଦ୍ର ନାୟକ,ମାଲକାନଗିରି)