ସୁବର୍ଣ୍ଣପୁର ତାଇକୋଣ୍ଡୋ ସଙ୍ଘ ପକ୍ଷରୁ କଲର ବେଲ୍ଟ ପ୍ରମୋସନ ଟେଷ୍ଟ କାର୍ଯ୍ୟକ୍ରମ ଅନୁଷ୍ଠିତ ।

ଉଲୁଣ୍ଡା,୧୧/୦୩(ପିପିଟି): ସୁବର୍ଣ୍ଣପୁର ଜିଲ୍ଲା ସଂସ୍କୃତି ଭବନ ପରିସରରେ ସୁବର୍ଣ୍ଣପୁର ଜିଲ୍ଲା ତାଇକୋଣ୍ଡୋ ସଂଘ ପକ୍ଷରୁ ୧୪ ତମ କଲର ବେଲ୍ଟ ପ୍ରମୋସନ ଟେଷ୍ଟ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଓଡିଶା ତାଇକୋଣ୍ଡୋ ସଂଘର ସାଧାରଣ ସମ୍ପାଦକ ମନମୋହନ ଭଞ୍ଜଙ୍କ ନିର୍ଦ୍ଦେଶ କ୍ରମେ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ସୋନପୁର, ବିନିକା ଏବଂ ବୀରମହାରାଜପୁର ବ୍ଲଜର ମୋଟ ୫୦ ଜଣ କ୍ରୀଡାବିତ ଅଂଶଗ୍ରହଣ କରିଥିଲେ । ଏହି କାର୍ଯ୍ୟକ୍ରମକୁ କୋଷାଧ୍ୟକ୍ଷ ଶୁଭମ ପଟ୍ଟନାୟକ, ପ୍ରଶିକ୍ଷକ ମୁକେଶ କୁମାର ପଣ୍ଡା, ଅନ୍ବେଷ ହୋତା, ଆର୍ଯ୍ୟାନ ପୁରୋହିତ , ସୁରଜ ପଟ୍ଟନାୟକ, ମହେନ୍ଦ୍ର ରଣା, ପ୍ରଶୁନ କୁମାର ମେହେର ଏବଂ ଆକାଶ ମେହେର ପ୍ରମୁଖ ପରିଚାଳନା କରିଥିବାବେଳେ ଜିଲ୍ଲା ତାଇକୋଣ୍ଡୋ ସଂଘ ସଭାପତି ରବୀନ୍ଦ୍ର ହୋତାଙ୍କ ଅଧ୍ଯକ୍ଷତାରେ ଅନୁଷ୍ଟିତ ଉଦଯାପନୀ ଉତ୍ସବରେ ବରିଷ୍ଠ ସାମ୍ବାଦିକ ଯୁଗଳ କିଶୋର ମିଶ୍ର, ଶେଷଦେବ ବାରିକ, ଭାର୍ଜନ କୁମାର ପ୍ରଧାନ ଏବଂ ଶିକ୍ଷକ ରଞ୍ଜୁ ଅମାତ ପ୍ରମୁଖ ଅତିଥି ଭାବରେ ଯୋଗଦେଇ  କୃତି କ୍ରୀଡାବିତଙ୍କୁ ବେଲ୍ଟ ଏବଂ ସାର୍ଟିଫିକେଟ ପ୍ରଦାନ କରିଥିଲେ । ଶେଷରେ ଅନୁଷ୍ଟାନର ସଂପାଦକ ଏହେସାସ ହୋତା ଧନ୍ୟବାଦ ଅର୍ପଣ କରିଥିଲେ ।

(ରିପୋର୍ଟ-ଶାନ୍ତନୁ କୁମାର କର୍ଣ୍ଣ ।)