ସାମାନ୍ୟ ବଚସାରୁ ଧସ୍ତାଧସ୍ତି,ତଳେ ପଡ଼ି ଜଣେ ମୃତ ।

ରାୟଗଡା, ୨୩/୦୬(ପିପିଟି); ଆଜି ରାୟଗଡା ଜିଲ୍ଲା ପଦ୍ମପୁରବ୍ଲକ ଅନ୍ତର୍ଗତ ଡେରିଗାଁ ପଞ୍ଚାୟତର ଡେରିଗାଁ ଗ୍ରାମରେ ଗୋଟିଏ ଅଭାବନୀୟ ଘଟଣା ଘଟିଯାଇଛି। ଏହି ଗ୍ରାମର ରୁଡ଼ାପୁ ତ୍ରିପତି ନାମକ ଜଣେ ବ୍ୟକ୍ତି ନିଜଘରୁ ବଜାରକୁ ସଉଦା କିଣିବା ପାଇଁ ଆସିଥିଲେ, ଠିକ ସେହିସମୟରେ ପାଖ ଗ୍ରାମ ରାଡୁ ଗ୍ରାମର ଜନାର୍ଦ୍ଦନ ନାଇଡ଼ୁ ନାମକ ବ୍ୟକ୍ତିଙ୍କ ସହ କୌଣସି ଗୋଟେ କାରଣକୁ ନେଇ ରାସ୍ତା ମଧ୍ୟରେ ବହୁ ଜୋରରେ ଯୁକ୍ତିତର୍କ ଓ଼ ଧସ୍ତାଧସ୍ତି ହାଇଥିଲା ଓ ସେହିସମୟରେ ରୁଡ଼ାପୁ ତ୍ରିପତି ତଳେ ପଡ଼ିଯାଇଥିଲେ ଓ ମୁଣ୍ଡରେ ତାଙ୍କର ଶକ୍ତ ଧକ୍କା ବାଜିବ ଫଳରେ ସେ ଘଟଣା ସ୍ଥଳରେ ଚେତାଶୂନ୍ୟ ହୋଇ ଭୀଷଣ ରକ୍ତସ୍ରାବ ଅବସ୍ଥାରେ ପଡିରହିଥିଲେ,ଏହା ଦେଖି ଗ୍ରାମର କିଛି ଯୁବକ ତାଙ୍କୁ ସାଙ୍ଗେ ସାଙ୍ଗେ ସ୍ଥାନୀୟ ପ୍ରାଥମିକ ଚିକିତ୍ସା କେନ୍ଦ୍ରରେ ଭର୍ତ୍ତି କରିଥିଲେ, ମାତ୍ର ଡାକ୍ତର ତାଙ୍କୁ ସଙ୍ଗେସଙ୍ଗେ ଗୁଣୁପୁର ନେବାପାଇଁ ପରାମର୍ଶ ଦେଇଥିଲେ। ଗୁଣୁପୁର ଉପଖଣ୍ଡ ଚିକିତ୍ସାଳୟରେ ପହଞ୍ଚିବା ପରେ ଡାକ୍ତର ତାଙ୍କୁ ପରୀକ୍ଷା କରିବା ପରେ ମୃତ ଘୋଷଣା କରିଥିଲେ। ଏହି ସମୟରେ ଘଟଣାସ୍ଥଳରେ ଗୁଡାରି ଥାନା ଅଧିକାରୀ ସୁଶାନ୍ତ କୁମାର ତାଉଡିଆ ଓ ଗୁମୁଡା ଫାଣ୍ଡି ଅଧିକାରୀ ଲୋକନାଥ ଦୋରା ଘଟଣା ସ୍ଥଳରେ ପହଞ୍ଚି ଗ୍ରାମରେ ତଦନ୍ତ ପ୍ରକିୟା ଆରମ୍ଭ କରିଥିଲେ ଓ ଗ୍ରାମବାସୀଙ୍କ ବୟାନ ରେକର୍ଡ କରିଥିଲେ ଓ ମୁଖ୍ୟ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଥିଲେ। ଘଟଣା ସ୍ଥଳରେ କିଛି ସମୟ ପାଇଁ ଚାପାଉତ୍ତେଜନା ସୃଷ୍ଟି ହେଇଥିଲା।ତ୍ରିପତିଙ୍କ ମୃତ୍ୟୁରେ ଗ୍ରାମରେ ଶୋକର ଛାୟା ଖେଳିଯାଇଛି ଓ ଗ୍ରାମବାସୀଙ୍କ ଦାବି ରହିଛି ଯେ ଆସାମୀ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ଓ ତାଙ୍କ ପରିବାରଙ୍କୁ ପ୍ରଶାସନ ପକ୍ଷରୁ ସାହାଯ୍ୟ ଯୋଗାଇ ଦିଆଯାଉ।
(ରିପୋର୍ଟ – ନବୀନ ନାୟକ ବେହେରା। )