ସାନଖେମୁଣ୍ଡି ବ୍ଲକର ବିଭିନ୍ନ ଅଞ୍ଚଳରେ ସାଧାରଣତନ୍ତ୍ର ଦିବସ ପାଳିତ ।

ସାନଖେମୁଣ୍ଡି,୨୬/୦୧(ପିପିଟି); ସାନଖେମୁଣ୍ଡି ବ୍ଲକରେ ଆଜି ସାଧାରଣତନ୍ତ୍ର ଦିବସ ପାଳିତ ହୋଇଯାଇଛି । ମୁଖ୍ୟ ଅତିଥି ଭାବେ ବ୍ଲକ ଅଧ୍ୟକ୍ଷା ସଙ୍ଗିତା ବେହେରା ଉତ୍ସବ ରେ ଯୋଗଦାନ ଦେବା ସହ ଜାତୀୟ ପତାକା ଉତ୍ତୋଳନ କରିଥିଲେ । ବିଡିଓ ଗାୟତ୍ରୀ ଦତ୍ତ ନାୟକ ଏବଂ ବ୍ଲକର ସମସ୍ତ କର୍ମଚାରୀ ପ୍ରମୁଖ ଉପସ୍ଥିତ ରହି ଜାତୀୟ ସଙ୍ଗୀତ ଗାନ କରିଥିଲେ । ସେହିଭଳି ଅଞ୍ଚଳର ବିଭିନ୍ନ ସ୍କୁଲ ରେ ସାଧାରଣତନ୍ତ୍ର ଦିବସ ଆଡମ୍ବରରେ ପାଳନ କରଯାଇଥିଲା । ଅଗକୁ ପିଲା ମାନଙ୍କ ପାଠ ପଢାରେ କିଭଳି ଉନ୍ନତି ହେବ ସେ ଉପରେ ଆଲୋଚନା କରାଯାଇଥିଲା । ସେହିପରି ପାଟପୁର ଥାନାରେ ମଧ୍ୟ ସାଧାରଣତନ୍ତ୍ର ଦିବସ ପାଳନ ହୋଇଥିଲା । ପାଟପୁର ଥାନା ଅଧିକାରୀ ଅଜୟ ବାରିକ ଜାତୀୟ ପତାକା ଉତ୍ତଳନ କରିଥିଲେ । ପାଟପୁର ଥାନା ଅଧୀନସ୍ଥ ସମସ୍ତ ଗ୍ରାମରେ କିଭଳି ରୂପେ ଆଇନ ଶୃଙ୍ଖଳା ଠିକ୍ ଭବେ ପରିଚାଳିତ ହେବ ସେଥିପ୍ରତି ଧ୍ୟାନ ଦେବାକୁ ଉପସ୍ଥିତ ସମସ୍ତ ପୋଲିସ କର୍ମଚାରୀ ମାନଙ୍କୁ ଆହ୍ବାନ ଦେଇଥିଲେ । ଉତ୍ସବରେ ଏସ.ଆଇ ସୁଭ୍ରଜିତ ସାମନ୍ତରାୟ,ହୃଷୀକେଶ ବାଡତ୍ୟା, ତରୁଲତା ବେହେରା ପ୍ରମୁଖ ସମସ୍ତ କର୍ମଚାରୀ ଉପସ୍ଥିତ ଥିଲେ ।

(ରିପୋର୍ଟ- ଆରତ କୁମାର ହୋତା। )