ସାଗରଗୁଆଁ ଉଚ୍ଚ ବିଦ୍ୟାଳୟ ପ୍ରାଙ୍ଗଣରେ ଫଗୁ ତିନି ଦୋଳ ମିଳନ ଅନୁଷ୍ଠିତ ।

ବୋଲଗଡ଼,୨୨/୦୩(ପିପିଟି):ପ୍ରତିବର୍ଷ ଭଳି ଏ ବର୍ଷ ମଧ୍ୟ ଖୋର୍ଦ୍ଧା ଜିଲ୍ଲା ବୋଲଗଡ଼ ବ୍ଲକ ଅନ୍ତର୍ଗତ ସାଗର ଗୁଆଁ ଗ୍ରାମ ପଞ୍ଚାୟତର ଉଚ୍ଚ ବିଦ୍ୟାଳୟ ପ୍ରାଙ୍ଗଣରେ ଫଗୁ ମିଳନ ବହୁ ଜାକ ଜକମରେ ଅନୁଷ୍ଠିତ ହୋଇଯାଇଛି । ଗତ ଦୁଇ ବର୍ଷ ଧରି କରୋନା କଟକଣା ଯୋଗୁଁ ଫଗୁ ମିଳନ ଫିକା ପଡିଯାଇଥିଲା । ଏବର୍ଷ କରୋନା କଟକଣା କୋହଳ ହେବା ଫଳରେ ଲୋକଙ୍କ ମନରେ ଉତ୍ସାହ ଭରି ରହିଛି । ବିଭିନ୍ନ ପ୍ରକାର ଦୋକାନ ବଜାର ସାଙ୍ଗକୁ ବିଭିନ୍ନ ପ୍ରକାର ଲୋକନୃତ୍ୟ ଆକର୍ଷଣର କେନ୍ଦ୍ରବିନ୍ଦୁ ପାଲଟିଥିବା ଦେଖିବାକୁ ମିଳିଛି । ଏହି ମିଳନ ଉତ୍ସବରେ୨୭ ମୌଜାର୨୪ଟି ବିମାନ ଆସି ଭୋଗ ଖାଇଥିଲେ । ଏହି ତିନି ଦୋଳ ମିଳନ ଉତ୍ସବ ରେ ବହୁ ଜନ ସମାବେଶ ହୋଇଥିବାର ଦେଖିବାକୁ ମିଳିଥିଲା। ଏହି କାର୍ଯ୍ୟକ୍ରମରେ ଅନୁଷ୍ଠାନର ସଭାପତି ବିରଞ୍ଚି ନାରାୟଣ ଦାସ୍ ସମେତ କମିଟିର ସମସ୍ତ ସଭ୍ୟ ଉପସ୍ଥିତ ଥିବା ସ୍ଥଳେ ସମସ୍ତ ଗ୍ରାମବାସୀ ସହଯୋଗ କରିଥିଲେ।

(ରିପୋର୍ଟ -ସୁଶାନ୍ତ କୁମାର ପ୍ରଧାନ।)