ସମାଜସେବୀ ସୁକାନ୍ତି ଦେବୀଙ୍କ ପ୍ରତିମୂର୍ତ୍ତି ସ୍ଥାପନ  ।

ଭଞ୍ଜନଗର,୧୧/୦୯(ପିପିଟି): ଜଗନ୍ନାଥପ୍ରସାଦ ବ୍ଲକ ପ୍ରତାପୁର ପଞ୍ଚାୟତ ପାଟରାପଲ୍ଲୀ ଠାରେ ପବିତ୍ର ଗଣେଶ ପୂଜା ଅବସରରେ ସୁକାନ୍ତି ଦେବୀଙ୍କ ସପ୍ତମ ଶ୍ରାଦ୍ଧ ବର୍ଷିକୀରେ ତାଙ୍କର ଏକ ପ୍ରତିମୂର୍ତ୍ତି ସ୍ଥାପନ କରାଯାଇଛି ।ବରିଷ୍ଠ ଆଇନଜୀବୀ ତଥା ସାହିତ୍ୟିକ ସୋମନାଥ ନାୟକଙ୍କ ପରିବାର ପକ୍ଷରୁ ପାଟରାପଲ୍ଲୀ ରେ ଏକ ସାଧାରଣ ସଭା ଆୟୋଜନ କରି ସୁକାନ୍ତି ଦେବୀଙ୍କ ସ୍ମୃତି ଚାରଣ କରାଯାଇଥିଲା।ସେ ସ୍ଥାନୀୟ ଅଞ୍ଚଳରେ ଜଣେ ସମାଜସେବୀ ତଥା ରାଜନୀତି ରେ ପଦାର୍ପଣ କରି ଲୋକଙ୍କ ସୁବିଧା ଅସୁବିଧାରେ ସାହାଯ୍ୟ କରିବା ସହ କବିତା ଲେଖିବା ପ୍ରତି ରୁଚି ରଖିଥିଲେ ଯାହା ଫଳରେ ସେ ସ୍ଥାନୀୟ ଜନସାଧାରଣଙ୍କ ଅତିପ୍ରିୟ ଥିଲେ। ତାଙ୍କ ସ୍ୱାମୀ ସୋମନାଥ ନାୟକ , ପୁଅ ସମୀର ନାୟକ ଆଇନଜୀବୀ ଭାବେ ଭଞ୍ଜନଗର ଅଞ୍ଚଳରେ ବେଶ ପରିଚିତ। ପୂର୍ବତନ କଲେଜ ଅଧ୍ୟକ୍ଷ କମ୍ବୁପାଣି ସାମନ୍ତ ଙ୍କ  ସଭାପତିତ୍ୱ ରେ ମହିଳା ମହାବିଦ୍ୟାଳୟ ଅଧ୍ୟକ୍ଷ ଶିବାନନ୍ଦ ପଣ୍ଡା, ସାହିତ୍ୟିକ ପ୍ରଶାନ୍ତ କୁମାର ମହାନ୍ତି, କୁମୁଦ ଚନ୍ଦ୍ର ବେହେରା, ରବିନ୍ଦ୍ର ଆଚାର୍ଯ୍ୟ, ଗୌରହରି ସ୍ୱାଇଁ, ଲିଙ୍ଗରାଜ ଜେନା, ପୃଥ୍ୱୀରାଜ ସିଂ ଙ୍କ ସମେତ ଶତାଧିକ ବ୍ୟକ୍ତି ଏହି କାର୍ଯ୍ୟକ୍ରମ ରେ ଅଂଶ ଗ୍ରହଣ କରିଥିଲେ । ପ୍ରତାପୁର, କୁଡୁତାଇ ପଞ୍ଚାୟତ ବହୁ ବ୍ୟକ୍ତି ଉପସ୍ଥିତ ରହି ସମବେଦନା ଜଣେଇଥିଲେ। ଦେଇ ଥିଲେ। ଏଥିରେ ତାଙ୍କ ପରିବାରର ଅନ୍ୟ ପୁଅ, ବୋହୁ,ନାତି, ନାତୁଣୀ, ସମ୍ପର୍କୀୟ ମାନେ ଯୋଗଦେଇ ସୁକାନ୍ତି ଦେବୀଙ୍କୁ ସ୍ମରଣ କରିବା ସହ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ।

(ରିପୋର୍ଟ- ଜୟକୃଷ୍ଣ ପଟ୍ଟନାୟକ। )