ରାସ୍ତାରେ ଯାଉଥିବା ସମୟରେ ଏକ ଅଜଣା ଗାଡି ଧକ୍କାରେ ଯୁବକ ମୃତ୍ୟୁ ।

ସାନଖେମୁଣ୍ଡି,୧୯/୦୯(ପିପିଟି); ପାଟପୁର ଥାନା ଅନ୍ତର୍ଗତ ଜୁରା ଗ୍ରାମକୁ ସଂଯୋଗ କରୁଥିବା ରୋଡ଼ରେ ଶେରଗଡ଼ ଥାନା ଅନ୍ତର୍ଗତ ଆମ୍ବୁଆ ବାଡିର ଜଣେ ଯୁବକ ମୋଟର ସାଇକେଲ (OR07J2238)ଯୋଗେ ନିଜ ସମ୍ପର୍କୀୟ ଘରକୁ ଯାଉଥିଲେ । ହେଲେ ଦୁର୍ଭାଗ୍ୟର କଥା ବିପରୀତ ଦିଗରୁ ଏକ ଅଜଣା ଗାଡି ତାଙ୍କୁ ଧକ୍କା ଦେଇ ଫେରାର ହୋଇଯାଇଥିଲା । ଘଟଣା ସ୍ଥଳରେ ହିଁ ଯୁବକ ଜଣଙ୍କର ପ୍ରାଣ ବାୟୁ ଉଡିଯାଇଥିଲା । ଖବର ପାଇ ପାଟପୁର ଏସଆଇ ଶୁଭ୍ରଜିତ ସାମନ୍ତରାୟ ଏବଂ ପୋଲିସ ଷ୍ଟାପ ଘଟଣା ସ୍ଥଳରେ ପହଞ୍ଚି ମୃତ୍ୟୁ ଯୁବକ ଜଣକର ପରିବାରକୁ ଯୋଗାଯୋଗ କରିଥିଲେ । ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଚଳାଇଥିବା ଏସଆଇ ଶୁଭ୍ରଜିତ ସାମନ୍ତରାୟ ସୂଚନା ଦେଇଛନ୍ତି । ଘଟଣା ଘଟେଇ ଚମ୍ପଟ ମାରିଥିବା ଏକ ଟ୍ରାକ୍ଟର ଗାଡି ବୋଲି ଅନୁମାନ କରାଯାଉଛି । ପରିବାର ଲୋକେ ଆସି ଶବକୁ ଚିହ୍ନଟ ହେଲେ ଶବକୁ ବ୍ୟବଛେଦ ପାଇଁ ପଠାଯିବ ବୋଲି ଏସଆଇ ଶୁଭ୍ରଜିତ ସାମନ୍ତରାୟ ସୂଚନା ଦେଇଛନ୍ତି । (ରିପୋର୍ଟ – ଆରତ କୁମାର ହୋତା ।)