ଯାଞ୍ଚରେ ଜଣେ କାଉନସିଲର ପ୍ରାର୍ଥୀଙ୍କ ମନୋନୟନ ପତ୍ର ନାକଚ।

ପୋଲସରା,୦୯/୦୩(ପିପିଟି): ଆଜି ପୋଲସରା ବିଜ୍ଞାପିତ ଅଞ୍ଚଳ ପରିଷଦର ପ୍ରାର୍ଥୀ ପତ୍ର ଯାଞ୍ଚ ସମୟରେ ଜଣେ କାଉନସିଲର ପ୍ରାର୍ଥୀଙ୍କ ମନୋନୟନ ପତ୍ର ନାକଚ ହୋଇଥିବା ଜଣାପଡିଛି। ନିର୍ବାଚନ ଅଧିକାରୀ ତଥା ପୋଲସରା ତହସିଲଦାର ଦିଲ୍ଲୀପ କୁମାର ନାୟକ ଦେଇଥିବା ସୁଚନା ଅନୁସାରେ ୧୦ ନମ୍ବର ୱାର୍ଡର ବିଜୁ ଜନତା ଦଳର ବିକଳ୍ପ ପ୍ରାର୍ଥୀ ଛବିତା ପାତ୍ରଙ୍କ ମନୋନୟନ ପତ୍ର ନାକଚ ହୋଇଯାଇଛି। ଏହାର କାରଣ ସ୍ୱରୂପ କୁହାଯାଇଛି ଯେ ୧୦ ନମ୍ବର ୱାର୍ଡ ଟି ଅନୁସୂଚିତ ଜନଜାତି ବର୍ଗର ମହିଳାଙ୍କ ସଂରକ୍ଷିତ ରହିଥିଲେ ମଧ୍ୟ ଛବିତା ନିର୍ଦ୍ଦିଷ୍ଟ ସମୟ ମଧ୍ୟରେ ନିଜର ଜାତିଗତ ପ୍ରମାଣ ପତ୍ର ଦାଖଲ କରିବାରେ ବିଫଳ ହୋଇଥିଲେ। ଫଳରେ ନିର୍ବାଚନ ଅଧିକାରୀ ତାଙ୍କର ପ୍ରାର୍ଥୀ ପତ୍ରକୁ ନାକଚ କରି ଦେଇଥିଲେ। ଏହା ବ୍ୟତୀତ ପ୍ରାର୍ଥୀ ପତ୍ର ଦାଖଲ କରିଥିବା ତିନି ଜଣ ଅଧ୍ୟକ୍ଷା ଓ ୧୯ ଟି ୱାର୍ଡରେ ପଡିଥିବା ୫୫ ଟି କାଉନସିଲର ପ୍ରାର୍ଥୀ ପତ୍ର କାଏମ ରହିଥିବା ନିର୍ବାଚନ ଅଧିକାରୀ କହିଛନ୍ତି।
(ରିପୋର୍ଟ- ସନ୍ତୋଷ କୁମାର ପଣ୍ଡା। )