ବିହାର ନିର୍ବାଚନ ପାଇଁ ଏନଡିଏର ଆସନ ବୁଝାମଣା,ଜେଡିୟୁ ୧୨୨ ଓ ବିଜେପି ୧୨୧ ଆସନରେ ଲଢିବ ।

ନୂଆଦିଲ୍ଲୀ,୦୬/୧୦: ବିହାର ବିଧାନସଭା ନିର୍ବାଚନ ପାଇଁ ଏନଡିଏର ଆସନ ବୁଝାମଣା ଚୁଡାନ୍ତ ହୋଇଛି । ଜେଡିୟୁ ୧୨୨ ଓ ବିଜେପି ୧୨୧ ଆସନରେ ନିର୍ବାଚନ ଲଢିବ । ଜେଡିୟୁ ୧୨୨ ଆସନ ମଧ୍ୟରୁ ଜିତନ ରାମ ମାଂଝୀଙ୍କ ଏଚଏଏମକୁ ୭ଟି ଆସନ ଦେବ । ବିଜେପି ମଧ୍ୟ ବିକାଶଶୀଳ ଇନସାନ ପାର୍ଟି ସହିତ ଆଲୋଚନା ଚାଲିଛି । ଆଲୋଚନା ସଫଳ ହେଲେ ବିଜେପି ନିଜ କୋଟାରୁ କିଛି ଆସନ ଦେବ । ବିହାର ନିର୍ବାଚନ ପ୍ରଥମ ପର୍ଯ୍ୟାୟ ଅକ୍ଟୋବର ୨୮,ଦ୍ବିତୀୟ ପର୍ଯ୍ୟାୟ ନଭେମ୍ବର ୦୩ ଓ ତୃତୀୟ ପର୍ଯ୍ୟାୟ ନଭେମ୍ବର ୦୭ ରେ ଅନୁଷ୍ଠିତ ହେବ । ନଭେମ୍ବର ୧୦ ରେ ନିର୍ବାଚନ ଫଳାଫଳ ଘୋଷଣା ହେବ ।