ବିଳମ୍ବିତ ରାତ୍ରିରେ ନିଆଁଲାଗି ଦୋକାନ ଘର ଭସ୍ମ ।

ଉଲୁଣ୍ଡା,୩୦/୧୦(ପିପିଟି); ସୁବର୍ଣ୍ଣପୁର ଜିଲ୍ଲା ବିରମହାରାଜପୁର ଉପଜିଲ୍ଲାପାଳ ଛକ ନିକଟରେ ଥିବା ଏକ ଦୋକାନରେ ବିଳମ୍ବିତ ରାତ୍ରିରେ ନିଆଲାଗି ଗ୍ୟାସ ସିଲିଣ୍ଡର ବିସ୍ଫୋରଣ ହେବା ସହ ଦୋକାନ ଘର ଭସ୍ମ ହାଇଯାଇଛି ।ବିଳମ୍ବିତ ରାତିରେ ଏ ଘଟଣା ଘଟିଥିବାରୁ କେହି ଆହତ ମୃତାହତ ହୋଇନ ଥିଲେ ହେଁ ଗ୍ୟାସ ସିଲିଣ୍ଡର ବିସ୍ଫୋରଣ ଯୋଗୁଁ ଲୋକେ ଆତଙ୍କିତ ହୋଇପଡିଥିଲେ ।ସୂଚନାନୁସାରେ ସ୍ଥାନୀୟ ଉପଜିଲ୍ଲାପାଳଙ୍କ କାର୍ଯ୍ୟାଳୟ ଛକ ନିକଟରେ ଚମ୍ପମାଲ ଗ୍ରାମର ପିତାମ୍ବର ଥନାପତି ଜଣେବ୍ୟକ୍ତି ଏକ ଚାହା ଦୋକାନ କରିଥିଲେ । ହେଲେ ଗତ ବିଳମ୍ବିତ ରାତ୍ରିରେ କୌଣସି କାରଣରୁ ନିଅ ଲାଗିଯାଇଥିଲା । ଫଳରେ ଦୋକାନରେ ଥିବା ଗ୍ୟାସ ସିଲିଣ୍ଡର ବିସ୍ଫୋରଣ ହୋଇଥିଲା । ବିସ୍ଫୋରଣର ପ୍ରଚଣ୍ଡ ଶବ୍ଦ ଶୁଣି ଆଖପାଖର ଲୋକ ଘଟଣାସ୍ଥଳରେ ପହଞ୍ଚି ଦମକଳ ବାହିନୀ ଖବର ଦେଇଥିଲେ । ଘଟଣାସ୍ଥଳରେ ଦମକଳ ବାହିନୀ ପହଞ୍ଚି ନିଆଁକୁ ଆୟତ କରିଥିଲେ । ବିରମହାରାଜପୁର ପୋଲିସ ମଧ୍ୟ ଘଟଣାସ୍ଥଳରେ ପହଂଚି ଘଟଣାର ତନାଘନା କରୁଛି ।

(ରିପୋର୍ଟ -ଶାନ୍ତନୁ କୁମାର କର୍ଣ୍ଣ ।)