ବନ୍ଥପଲ୍ଲୀ ପଞ୍ଚାୟତର ପୂର୍ବତନ ସରପଞ୍ଚଙ୍କୁ ଖଣ୍ଡାରେ ଆକ୍ରମଣ,ଆହତ ଅବସ୍ଥାରେ ମେଡ଼ିକାଲ ସ୍ଥାନାନ୍ତର,ଥାନାରେ ମାମଲା ରୁଜୁ ।

ବ୍ରହ୍ମପୁର , ୦୫/୦୭ (ପିପିଟି) :ଗଞ୍ଜାମ ଜିଲ୍ଲା କୁକୁଡ଼ାଖଣ୍ଡି ବ୍ଲକ୍ ଅଧୀନ ବନ୍ଥପଲ୍ଲୀ ଗ୍ରାମ ପଞ୍ଚାୟତର ପୂର୍ବତନ ସରପଞ୍ଚ ପ୍ରଶାନ୍ତ କୁମାର ସ୍ବାଇଁଙ୍କୁ ଖଣ୍ଡାରେ ଆକ୍ରମଣ ହୋଇଥିବା ସୂଚନା ମିଳିଛି । ତେବେ ସୂଚନା ଅନୁସାରେ ପ୍ରଶାନ୍ତ କୁମାର ସ୍ବାଇଁ ଏକ କ୍ରିକେଟ ଟୁର୍ଣ୍ଣାମେଣ୍ଟ ରେ ଅତିଥି ଭାବେ ଯୋଗ ଦେଇଥିଲେ । ସେଠାରୁ କାର୍ଯ୍ୟକ୍ରମ ସାରି ସେ ନିଜ ଘର ଚାଞ୍ଚାଡା ପଲ୍ଲୀ ଗ୍ରାମକୁ ଏକ ମୋଟର ସାଇକେଲ ଯୋଗେ ଆସୁଥିଲେ ହେଲେ ବନ୍ଥପଲ୍ଲୀ ଏବଂ ଚାଞ୍ଚାଡା ପଲ୍ଲୀ ରାସ୍ତା ମଝିରେ ଜଣେ ଗୁଣ୍ଡା ଏକ ଖଣ୍ଡା ଧରି ପ୍ରଶାନ୍ତ କୁମାର ସ୍ୱାଇଁ କୁ ଅପେକ୍ଷା କରିଥିଲା । ତେବେ ପ୍ରଶାନ୍ତ କୁମାର ସ୍ୱାଇଁ ସେହି ରାସ୍ତା ଦେଇ ଆସିଲା ବେଳକୁ ଗୁଣ୍ଡା ଜଣଙ୍କ ତାଙ୍କୁ ଖଣ୍ଡାରେ ଆକ୍ରମଣ କରି ଘଟଣାରୁ ଚମ୍ପଟ୍ ମରିଥିଲା । ତେବେ ଘଟଣାରେ ପୂର୍ବତନ ସରପଂଚ ପ୍ରଶାନ୍ତ କୁମାର ସ୍ବାଇଁ ଙ୍କ ହାତ, ଜଂଘ କୁ ଆଘାତ ଲାଗି ଆହତ ହୋଇଥିଲେ । ତେବେ ଖବର ପାଇ ଗ୍ରାମର ଲୋକେ ଆସି ତାଙ୍କୁ ଉଦ୍ଧାର କରିବା ସହ ୧୦୮ ଆମ୍ବୁଲାନ୍ସ କୁ ଖବର ଦେଇଥିଲେ ଖବର ପାଇ ୧୦୮ ଆମ୍ବୁଲାନ୍ସ ଘଟଣା ସ୍ଥଳରେ ପହଞ୍ଚି ଆହତ ଙ୍କୁ ଉଦ୍ଧାର କରି ଦିଗପହଣ୍ଡି ଗୋଷ୍ଟି ସ୍ୱାସ୍ଥ୍ୟକେନ୍ଦ୍ରରେ ଭର୍ତି କରିଥିଲେ । ସେଠାରେ ତାଙ୍କ ପ୍ରାଥମିକ ଚିକିତ୍ସା ପରେ ସେ ସୁସ୍ଥ ହେବାରୁ ଦିଗପହଣ୍ଡି ଥାନାରେ ଏକ ମାମଲା ରୁଜୁ କରିଥିବା ସୂଚନା ମିଳିଛି । ପୋଲିସ ମାମଲାକୁ ଭିତ୍ତି କରି ଘଟଣାର ତଦନ୍ତ ଆରମ୍ଭ କରିଥିବା ସୂଚନା ମିଳିଛି ।

ରିପୋର୍ଟ -ଆରତ କୁମାର ହୋତା