ବଡ଼ କୋଦଣ୍ଡା ଉଚ୍ଚ ବିଦ୍ୟାଳୟରେ ବିଶ୍ୱ ଜଳ ଦିବସ ପାଳନ ।

ଭଞ୍ଜନଗର,୨୨/୦୩(ପିପିଟି):ଭଞ୍ଜନଗର ବ୍ଲକ ବଡ଼ କୋଦଣ୍ଡା ଜବାହର ନୋଡାଲ ଉଚ୍ଚ ବିଦ୍ୟାଳୟ ଠାରେ ବିଶ୍ୱ ଜଳଦିବସ ଜାତୀୟ ସବୁଜ ବାହିନୀ, ଇକୋ କ୍ଲବ ତରଫରୁ ପ୍ରଧାନଶିକ୍ଷକ ସନ୍ତୋଷ ଜେନାଙ୍କ ଅଧକ୍ଷତାରେ ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥିଭାବେ ଭଞ୍ଜନଗର ଆଞ୍ଚଳିକ ପରିବହନ ଅଧିକାରୀ ଶୁଭେନ୍ଦୁ ରଞ୍ଜନ ରାୟ,ଉପଖଣ୍ଡ ସୂଚନା ଓ ଲୋକ ସମ୍ପର୍କ ଅଧିକାରୀ ଗୌରୀ ଶଙ୍କର ଶତପଥୀ,କେନ୍ଦ୍ରୀୟ ବନାଞ୍ଚଳ ଅଧିକାରୀ କୁମର ବେହେରା,ପି.ଏଚ.ଡି ସହକାରୀ ଯନ୍ତ୍ରୀ ନିତ୍ୟାନନ୍ଦ ବେହେରା, ଅବୈତନିକ ବନ୍ୟପ୍ରାଣୀ ତତ୍ଵାବଧାରକ ଶୂଳପାଣି ଶତପଥୀ, କନ୍ଧମାଳ ସାଂସଦ ପ୍ରତିନିଧି ପଞ୍ଚାନନ ପାଳ ଓ ସ୍ବେଛାସେବୀ ସନ୍ତୋଷ କୁମାର ଡାକୁଆ ଯୋଗ ଦେଇଥିଲେ । ଜଳ ଓ ଜଙ୍ଗଲ ସୁରକ୍ଷା,ଜଳର ସଠିକ ବିନିଯୋଗ ସହ ନିରାପଦ ଯାତ୍ରା ଓ ଟ୍ରାଫିକ ନୀୟମ ଉପରେ ଅତିଥିମାନେ କହିଥିଲେ। ବିଶେଷ କରି ଜଳ ହିଁ ଜୀବନ,ତେଣୁ ଜଳକୁ ଅଯଥାରେ ନଷ୍ଟ ନକରି ତାର ସଂରକ୍ଷଣ ଉପରେ ଅତିଥିମାନେ ସେମାନଙ୍କ ବକ୍ତବ୍ୟ ରଖିଥିଲେ । ଏହି ଅବସରରେ ଅତିଥିମାନେ ବିଭିନ୍ନ ପ୍ରଶ୍ନ ପଚାରି ଛାତ୍ରଛାତ୍ରୀ ମାନଙ୍କୁ ପୁରସ୍କୃତ କରାଯାଇଥଲା । ଗୋଟିଏ କାର୍ଯ୍ୟକ୍ରମ ରେ ବିଭିନ୍ନ ବିଭାଗର ଅତିଥି ଯୋଗଦେଇ ସେମାନଙ୍କ ଅଭିଭାଷଣ ପ୍ରଦାନ କରିଥିଲେ । କାର୍ଯ୍ୟକ୍ରମରେ ବିଦ୍ୟାଳୟର ସମସ୍ତ ଶିକ୍ଷକ, ଶିକ୍ଷୟିତ୍ରୀ ସହଯୋଗ କରିଥିଲେ ।ଶେଷରେ ଶିକ୍ଷକ ସାଜନ ସ୍ୱାଇଁ ଧନ୍ୟବାଦ ଅର୍ପଣ କରିଥିଲେ ।
(ରିପୋର୍ଟ-ଜେକେ ପଟ୍ଟନାୟକ। )