ପ୍ରଧାନମନ୍ତ୍ରୀ ଆବାସ ଯୋଜନାରେ ହୋଇଥିବା ଭ୍ରଷ୍ଟାଚାର ବିରୁଦ୍ଧରେ ରାଜ୍ୟପାଳଙ୍କୁ ବିଜେପିର ଦାବିପତ୍ର ।

ବେଲଗୁଣ୍ଠା,୦୭/୦୭(ପିପିଟି);ରାଜ୍ୟରେ ପ୍ରଧାନମନ୍ତ୍ରୀ ଆବାସ ଯୋଜନା ବିତରଣରେ ବ୍ୟାପକ ଅନିୟମିତତା ଏବଂ ଭ୍ରଷ୍ଟାଚାର ହୋଇଥିବା ନେଇ ବେଲଗୁଣ୍ଠା ବିଜେପି ପକ୍ଷରୁ ରାଜ୍ୟପାଳଙ୍କୁ ଏକ ସ୍ମାରକ ପତ୍ର ପ୍ରଦାନ କରାଯାଇଛି । ସ୍ମାରକ ପତ୍ରରେ ପ୍ରଧାନ ମନ୍ତ୍ରୀ ଆବାସ ଯୋଜନା ବିତରଣରେ ହୋଇଥିବା ଅନିୟମିତାର ଯାଞ୍ଚ କରି ଦୋଷୀମାନଙ୍କ ବିରୁଦ୍ଧରେ କଠୋର କାର୍ଯ୍ୟନୁଷ୍ଠାନ ଗ୍ରହଣ କରିବା ପାଇଁ ଦାବି ହୋଇଛି । ସୂଚନା ଥାଉକି ଓଡ଼ିଶାରେ ୨୯.୯୧ ଲକ୍ଷ ପକ୍କାଘର ଯୋଗାଇବା ପାଇଁ କେନ୍ଦ୍ର ସରକାର ସହାୟତା ଯୋଗାଇ ଦେଇଛନ୍ତି । କିନ୍ତୁ ରାଜ୍ୟ ସ୍ତରରେ ରାଜନୈତିକ ଉଦ୍ଦେଶ୍ୟ ରଖି ବିଭାଗୀୟ ଅଧିକାରୀ ମାନେ ହିତାଧିକାରୀ ଚୟନ କରୁ୍ଥିବା ଅଭିଯୋଗ ଆଣିଛି ବିଜେପି । ଏହା ସହିତ ରାଜ୍ୟ ସରକାର ୨୦୧୯ ମସିହାରେ କରିଥିବା ଜିଓ ଟ୍ୟାଗିଙ୍ଗ୍ ଏବଂ ଘର ସର୍ବେକ୍ଷଣରେ ମଧ୍ଯ ବହୁ ତୃଟି ବିଚ୍ୟୁତି ରହିଛି । ତେଣୁ ଯଥା ଶୀଘ୍ର ଏହି ତୃଟିପୂର୍ଣ୍ଣ ତାଲିକାର ସମୀକ୍ଷା କରିବା ସହିତ ସଂଶୋଧିତ ହିତାଧିକାରୀ ତାଲିକାକୁ ସର୍ବସାଧାରଣରେ ପ୍ରକାଶ କରିବା ପାଇଁ ଦାବି ହୋଇଛି । ବିଜେପି ରାଜ୍ୟ କାର୍ଯ୍ୟକାରିଣୀ ସଦସ୍ୟ ନୀଳମଣି ବିଷୋୟୀ, ଗାଙ୍ଗପୁର ମଣ୍ଡଳ ସଭାପତି ସୁରେନ୍ଦ୍ର ଡାକୁଆ, ତନରଡା ମଣ୍ଡଳ ସଭାପତି ସୁଧାଂଶୁ ଶେଖର ପୋଲାଇ, ବିଜେପି ଜିଲ୍ଳା ସମ୍ପାଦକ ରଞ୍ଜନ ରାଉତ ପ୍ରମୁଖ ବେଲଗୁଣ୍ଠା ଗୋଷ୍ଠୀ ଉନ୍ନୟନ ଅଧିକାରୀ ଶଶି ଭୂଷଣ୍ ମହାପାତ୍ରଙ୍କ ମାଧ୍ୟମରେ ସ୍ମାରକ ପତ୍ର ପ୍ରଦାନ କରିଛନ୍ତି ।

(ରିପୋର୍ଟ- ସୁଶାନ୍ତ କୁମାର ବେହେରା। )