ପୁଅର ଗଣ୍ଡଗୋଳ ଛଡାଇ ବାକୁ ଯାଇ ବାପାର ମୃତ୍ୟୁ ।

ଭଞ୍ଜନଗର,୦୨/୧୦(ପିପିଟି): ଭଞ୍ଜନଗର ଥାନା ଅନ୍ତର୍ଗତ ବଡ କୋଦଣ୍ଡା ଖଦାଳ ସାହିରେ ଶନିବାର ସନ୍ଧ୍ୟାରେ ଏକ ଅଭାବନୀୟ ଘଟଣା ଘଟିଥିବା ଜଣାପଡିଛି।ସୂଚନା ମୁତାବକ ଚାକୁଣ୍ଡା ପଲ୍ଲି ଗ୍ରାମର ଜଣେ ମଦ୍ୟପ ଯୁବକ ଆସି ବଡ଼ କୋଦଣ୍ଡା ଖଦାଳସାହି ରେ ଗାଳି ଗୁଲଜ କରୁଥିବା ଦେଖି ଶିବ ନାୟକ(୧୯) ତାକୁ ଏସମ୍ପର୍କରେ ପଚାରିବାରୁ ଉକ୍ତ ଯୁବକ ଶିବକୁ ମାଡ଼ ମାରିଥିଲା। ତାପରେ ଉଭୟେ ମରାମରି ହେଉଥିବା ବେଳେ ସେହି ରାସ୍ତା ଦେଇ ଶିବର ବାପା ହାଡୁ ନାୟକ(୫୫) ଓ ତାର ମାଆ ଜମିରୁ କାମସାରି ଫେରୁଥିଲେ। ଗଣ୍ଡଗୋଳ ଦେଖି ସେମାନେ ଉଭୟଙ୍କୁ ନିବୃତ୍ତ କରିବାକୁ ଚେଷ୍ଟା କରିଥିଲେ। ହେଲେ ଠେଲାପେଲା ଭିତରେ ହାଠାତ୍ ହାଡୁ ତଳେ କଚାଡି ହୋଇ ପଡି ଯାଇଥିଲେ। ସେଠାରୁ ତାଙ୍କୁ ଉଦ୍ଧାର କରି ଶିବ ଓ ତାର ମାଆ ଘରକୁ ଆଣିଥିଲେ। ହେଲେ କିଛି ସମୟ ପରେ ହାଡୁ ଅସୁସ୍ଥ ହେବ ଦେଖି ତାଙ୍କୁ ସଙ୍ଗେ ସଙ୍ଗେ ଭଞ୍ଜନଗର ମେଡ଼ିକାଲକୁ ଗୁରୁତର ଅବସ୍ଥାରେ ଅଣାଯାଇଥିଲା।ଏଠାରେ ଡାକ୍ତର ତାକୁ ମୃତ ଘୋଷଣା କରିଥିଲେ। ଖବର ପାଇ ପୋଲିସ ଶବ ଜବତ କରି ବ୍ୟବଚ୍ଛେଦ ପାଇଁ ପଠେଇ ପୁଅ ଶିବକୁ ଥାନାରେ ଅଟକ ରଖି ତଦନ୍ତ ଆରମ୍ଭ କରିଛି।

(ରିପୋର୍ଟ- ଜୟକୃଷ୍ଣ ପଟ୍ଟନାୟକ। )