ପାଟପୁର ପୋଲିସ ପକ୍ଷରୁ ଅତର୍କିତ ଚଢ଼ାଉ; ୪୧୭ କେଜି ଗଞ୍ଜେଇ ଜବତ ସହ ୩ ଜଣ ଗିରଫ ।

ସାନଖେମୁଣ୍ଡି,୧୯/୦୪(ପିପିଟି): ଆଜି ପାଟପୁର ପୋଲିସ ପକ୍ଷରୁ ଘାଷିଆମ୍ବ ଗ୍ରାମର ଏକ ଘରୁ ବିପୁଳ ପରିମାଣରେ ଗଞ୍ଜେଇ ଜବତ କରାଯାଇଛି । ପୋଲିସ ଏକ ବିଶେଷ ସୂତ୍ରରୁ ଖବର ପାଇ ପାଟପୁର ଥାନା ଅଧିକାରୀ ସବ୍ୟସାଚୀ ମଲ୍ଲଙ୍କ ନେତୃତ୍ୱରେ ପାଟପୁର ଥାନା ଅଧୀନସ୍ଥ ଘାଷିଆମ୍ବ ଗ୍ରାମରେ ଚଢ଼ାଉ କରାଯାଇଥିଲା । ସେହି ଗ୍ରାମର ଏକ ଘରୁ ୪୧୭ କେଜି ମାରାତ୍ମକ ନିଦ୍ରାକାରକ ଗଞ୍ଜେଇ ଜବତ କରାଯାଇଛି । ଉକ୍ତ ସ୍ଥାନରୁ ୩ ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି । ଅଭିଯୁକ୍ତ ମାନେ ହେଲେ ଅଶ୍ଵିନୀ ଗମାଙ୍ଗ , ସାଇଡ୍ରାକା ଗମାଙ୍ଗ ଏବଂ ଅରକ୍ଷିତ ମଣ୍ଡଳ । ପାଟପୁର ଥାନାରେ ଏ ନେଇ ଏନ୍.ଡି.ପି.ଏସ ଅଧିନିୟମ ଅନୁସାରେ ୟୁ.ଏସ ୩୩୨/୨୧ ରେ ଏକ ମାମଲା ରୁଜୁ କରାଯାଇଥିବା ସୂଚନା ଦେଇଛନ୍ତି ପାଟପୁର ଥାନା ଅଧିକାରୀ ସବ୍ୟସାଚୀ ମଲ୍ଲ ।
(ରିପୋର୍ଟ- ଆରତ କୁମାର ହୋତା। )