ନୂଆଗାଁ ପଞ୍ଚାୟତରେ ବିଜେଡ଼ି ର ମିଶ୍ରଣ ପର୍ବ ।

ବେଲଗୁଣ୍ଠା,୨୧/୧୧(ପିପିଟି):ବେଲଗୁଣ୍ଠା ବ୍ଲକ ନୂଆଗାଁ ପଞ୍ଚାୟତରେ ବିଜେଡ଼ିର ମିଶ୍ରଣ ପର୍ବ ବ୍ଲକ ବିଜେଡ଼ି ସଭାପତି ପ୍ରଶାନ୍ତ କୁମାର ନାୟକଙ୍କ ଅଧକ୍ଷତାରେ ଅନୁଷ୍ଠିତ ହୋଇ ଶତାଧିକ ବିଜେପି କର୍ମୀ ବିଜେଡ଼ି ଯୋଗଦାନ କରିଛନ୍ତି । ମୁଖ୍ୟଅତିଥି ରୂପେ ବିଧାୟକ ପୂର୍ଣ୍ଣ ଚନ୍ଦ୍ର ସ୍ୱାଇଁ ଯୋଗ ଦେଇ ବିଜେଡ଼ି ଓ ନବୀନ ପଟ୍ଟନାୟକଙ୍କ ନୀତି ଆଦର୍ଶରେ ଅନୁପ୍ରାଣିତ ହୋଇ ମିଳିମିଶି କାମ କରିବାକୁ ଆହ୍ୱାନ କରି, ନିର୍ବାଚନ ପାଇଁ ଗୁରୁ ମନ୍ତ୍ର ଦେବାସହ ନୂତନ କର୍ମୀଙ୍କୁ ସ୍ୱାଗତ କରିଥିଲେ । ଅନ୍ୟତମ ଅତିଥି ରୂପେ ବ୍ଲକ ବିଜେଡ଼ି ସାଧାରଣ ସମ୍ପାଦକ ଏସ ରାମେଶ୍ୱର ପାତ୍ର ,ଯୁବ ସଭାପତି ଶିବରାମ ରାଉତ,ସମିତି ସଭ୍ୟ ପ୍ରତୀନ୍ଦ୍ର ପରିଡା, ଦୁର୍ଗା ମାଧବ ନାୟକ, ସରପଞ୍ଚ ଅନିଲ କୁମାର ପାଠୀ,ଡିଜିଟାଲ ସମ୍ପାଦକ ବିଭୂପାଦ ଜେନା, ଜିଲ୍ଲା ପରିଷଦ ଅମିତ ନାୟକ, ପୂର୍ବତନ ସରପଞ୍ଚ ସୁବାଷ ଖଣ୍ଡୁଆଳ,ଯୁବ ସଂଗଠକ ରଶ୍ମିତ କୁମାର ପରିଡ଼ା, ଜିଲ୍ଲା ଯୁବ ବିଜେଡ଼ି ସମ୍ପାଦକ ଅଯୋଧ୍ୟା ବେହେରା, ସମାଜସେବୀ ରବୀନ୍ଦ୍ର ନାଥ ପରିଡା ପ୍ରମୁଖ ଯୋଗଦେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିଭିନ୍ନ ଲୋକାଭିମୁଖୀ ଯୋଜନା କିପରି ସମସ୍ତ ହିତାଧିକାରୀଙ୍କ ପାଖରେ ପହଞ୍ଚାଇବାକୁ ଉପସ୍ଥିତ କର୍ମୀଙ୍କୁ ପରାମର୍ଶ ଦେଇଥିଲେ । ଆଜିର ମିଶ୍ରଣ ପର୍ବରେ ପୃର୍ବତନ ସମିତି ସଭ୍ୟ ଲିଙ୍ଗରାଜ ନାୟକଙ୍କ ସମେତ ୫୦ ପରିବାର ବିଜେଡ଼ି ରେ ଯୋଗଦେଇଥିଲେ । ସର୍ବସମ୍ମତି କ୍ରମେ ସରପଞ୍ଚ ପାର୍ଥି ପାଇଁ ମିନତୀ ପଣ୍ଡା ସମିତି ସଭ୍ୟ ପାର୍ଥି ରଶ୍ମିତା ପ୍ରଧାନ ମନୋନୀତ ହୋଇଥିଲେ । ଆଗାମୀ ନିର୍ବାଚନ ରେ ମିଳିମିଶି କାମ କରିବାକୁ ସମସ୍ତ କର୍ମୀ ସଂକଳ୍ପ
ନେଇଥିଲେ ।

(ରିପୋର୍ଟ- ସୁଶାନ୍ତ କୁମାର ବେହେରା। )