ନବାହ ପାରାୟଣ ପାଇଁ କଳସ ଶୋଭାଯାତ୍ରା ।

ଉଲୁଣ୍ଡା,୨୨/୦୩(ପିପିଟି):ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଚମ୍ପାମାଲ ପଞ୍ଚାୟତ ଅନ୍ତର୍ଗତ ଚମ୍ପାପୁର ଗଡଭିତର ଠାରେ ଆସନ୍ତା ଗୁରୁବାର ଠାରୁ ଆରମ୍ଭ ହେବାକୁ ଥିବା ନବାହ ପାରାୟଣ ଓ ପ୍ରବଚନ ପାଇଁ ଆଜି କଳସ ଶୋଭା ଯାତ୍ରା ଅନୁଷ୍ଠିତ ହୋଇଯାଇଛି। ଆଜି ସକାଳୁ ନିକଟସ୍ଥ ପୋଖରୀରେ ରୀତିନୀତି ଅନୁସାରେ ପୂଜାର୍ଚ୍ଚନା ସହ ଗଙ୍ଗା ମାତାଙ୍କୁ ଆବାହନ କରି ଏକ ଆଧ୍ୟାତ୍ମିକ ପରିବେଶରେ ପୂର୍ଣ୍ଣ କଳସି ଧରି ସହର ପରିକ୍ରମା କରିଥିଲେ। ଶଙ୍ଖ ହୁଳହୁଳି ହରିବୋଲ ଧ୍ୱନୀରେ ପୂଜା ମଣ୍ଡପରେ କଳସ ସ୍ଥାପନ କରାଯାଇଥିଲା। ଏଥିରେ ବହୁ ସଂଖ୍ୟକ ମହିଳା ଓ ପୁରୁଷ ସାମିଲ ହୋଇଥିବାବେଳେ ପୂଜକ ବିଦ୍ୟାଧର ପାଢ଼ୀ ପୂଜା କାର୍ଯ୍ୟ ଏବଂ ଭୁଲା ମେହେର କର୍ତ୍ତା ଦାଇତ୍ୱ ତୁଲାଉଛନ୍ତି। ଗାୟିକା ଇପ୍ସିତା ମିଶ୍ର ପୁରାଣ ପଠନ କରିବାର କାର୍ଯ୍ୟକ୍ରମ ରହିଥିବା ବେଳେ ପ୍ରବଚିକା ଅନୁପମା ବିଶ୍ଵାଲଙ୍କ ଦ୍ବାରା ପ୍ରବଚନ କାର୍ଯ୍ୟକ୍ରମ ଦେବା ନେଇ ଆୟୋଜକ କମିଟି ପକ୍ଷରୁ ସୂଚନା ଦିଆଯାଇଛି । ଏହି କାର୍ଯ୍ୟକ୍ରମରେ ସୀତା ବିବାହ ଓ ରାମ ଅଭିଷେକ ମୁଖ୍ୟ ଆକର୍ଷଣ ରହିଥିବା ବେଳେ ଆସନ୍ତା ୧ ତାରିଖ ଦିନ ପୂର୍ଣ୍ଣାହୁତି ହେବ ।

(ରିପୋର୍ଟ – ଶାନ୍ତନୁ କୁମାର କର୍ଣ୍ଣ ।)