ଦୁର୍ଗାପ୍ରସାଦରେ ଓଲଟିଲା ପଶ୍ଚିମବଙ୍ଗ ଟୁରିଷ୍ଟ ବସ୍; ୬ମୃତ ଓ ୪୨ଆହତ ।

ଭଞ୍ଜନଗର,୨୫/୦୫(ପିପିଟି) : ଗଞ୍ଜାମ ଜିଲ୍ଲା ଭଞ୍ଜନଗର କଳିଙ୍ଗା ଘାଟି ତଳେ ଦୁର୍ଗାପ୍ରସାଦ ନିକଟରେ ଏକ ବଡ଼ ଧରଣର ଦୁର୍ଘଟଣା ଘଟିଛି। ପଶ୍ଚିମବଙ୍ଗର ପର୍ଯ୍ୟଟକ ମାନଙ୍କୁ ନେଇ ଯାଉଥିବା ଏକ ଟୁରିଷ୍ଟ ବସ ଓଲଟି ପଡିବାରୁ ୬ଜଣଙ୍କ ମୃତ୍ୟୁ ଘଟିଛି ଏବଂ ୪୨ଜଣ ଆହତ ହୋଇଛନ୍ତି। ବସ ତଳେ ଅନେକ ଚାପି ହୋଇଥିବା ରହିବା କାରଣରୁ ମୃତ୍ୟୁ ଘଟିଥିବା ସୂଚନା ମିଳିଛି।ମୃତକଙ୍କ ମଧ୍ୟରେ ୪ଜଣ ମହିଳା ଓ ୨ଜଣ ପୁରୁଷ ଅଛନ୍ତି। ଏଥିରେ ଡ୍ରାଇଭର ସମେତ ମୋଟ ୭୭ଜଣ ଯାତ୍ରୀ ଥିଲେ । ଦୁର୍ଗାପ୍ରସାଦ ଯୁବକ ସଂଘ ଓ ଭଞ୍ଜନଗର ପୋଲିସ ଉଦ୍ଧାର କରି ଦମକଳ ଓ ଆମ୍ବୁଲାନ୍ସ ଯୋଗେ ଘଟଣାସ୍ଥଳରୁ ସମସ୍ତଙ୍କୁ ଭଞ୍ଜନଗର ମେଡ଼ିକାଲରେ ଭର୍ତ୍ତି କରିଥିଲେ।ବସଟି କନ୍ଧମାଳ ଜିଲ୍ଲା ଦାରିଙ୍ଗବାଡି ଠାରୁ ବିଶାଖାପାଟଣା ଯାଉଥିବା ବେଳେ କଳିଙ୍ଗା ଘାଟି ଓହ୍ଲାଇବା ପରେ ବ୍ରେକ ପାଇପ ଫାଟିଯିବାରୁ ଦୁର୍ଘଟଣା ଘଟିଥିବା ଜଣାପଡିଛି।ପୋଲିସ ଓ ପ୍ରଶାସନ ପକ୍ଷରୁ ସେବା କାର୍ଯ୍ୟ ଜାରି ରହିଛି।

(ରିପୋର୍ଟ-ଜୟକୃଷ୍ଣ ପଟ୍ଟନାୟକ ।)