ଟ୍ରକ ଧକ୍କାରେ ୬ଟି ମଇଁଷି ମତ୍ଯୁୁ,ଗୋଟିଏ ଗୁରୁତର ।

ମାଲକାନଗିରି,୨୨/୦୩(ପିପିଟି): ମାଲକାନଗିରି ସହର ଠାରୁ ୫ କିମି ଦୂର ସୋରିଷ ମାଳ ଗ୍ରାମ ଜାତୀୟ ରାଜପଥ ଉପରେ ଏକ ହାଇୱା ଟ୍ରକ୍ ଗତ ରାତିରେ ମଇଁଷି ପଲ ଉପରେ ଚଢିଯିବା ଫଳରେ ଘଟଣା ସ୍ଥଳରେ ୬ଟି ମଇଁଷିଙ୍କ ପ୍ରାଣ ହାନି ଘଟିଛି । ଅନ୍ଯ ଏକ ମଇଁଷି ଗୁରୁତର ହୋଇଥିବା ଜଣାପଡିଛି। ମୃତ ମଇଁଷି ଗୁଡ଼ିକ ସୋରିଷମାଳ ଜାତୀୟ ରାଜପଥ କଡରେ ବିଭତ୍ସ ଭାବରେ ଆଜି ସକାଳେ ପଡି ରହିଥିବା ସ୍ଥାନୀୟ ଲୋକମାନେ ଦେଖିବାକୁ ପାଇଥିଲେ। ପ୍ରାପ୍ତ ସୂଚନାରୁ ଜଣାପଡିଛି ଯେ, ସୋରିଷମାଳ ଗ୍ରାମ ନିକଟସ୍ଥ ଜଙ୍ଗଲକୁ ଘାସ ଚରେଇବା ପାଇଁ କିଛି ମଇଁଷି ଯାଇ ଥିବା ବେଳେ ମଙ୍ଗଳବାର ଦିନ ଆଉ ଘରକୁ ଫେରିନଥିଲେ। ଗତ ମଙ୍ଗଳବାର ମଧ୍ୟରାତ୍ରରେ ସୋରିଷ ମାଳ ନିକଟର. ମଇଁଷି ପଲ ପହଞ୍ଚିଥିଲେ । ରାତି ହୋଇଯିବାରୁ ଘରକୁ ନଫେରି ରାସ୍ତା କଡରେ ବିଶ୍ରାମ ନେଇଥିଲେ । ଗତ ରାତିରେ ମାଲକାନଗିରି ଅଭିମୁଖେ ଦେଇ ଆସୁଥିବା ଏକ ହାଇୱା ଟ୍ରକ୍ ଦ୍ରୁତ ଗତି ଆସି ମଇଁଷି ପଲ ଉପରେ ଚଢ଼ି ଯାଇଥିଲା । ଫଳରେ ୬ଟି ମଇଁଷି ଘଟଣାସ୍ଥଳରେ ହିଁ ମୃତ୍ୟୁ ବରଣ କରିଥିବା ବେଳେ ଏବଂ ଆଉ ଗୋଟିଏ ମଇଁଷି ଗୁରୁତର ଆହାତ ହୋଇ ପଡି ରହିଥିଲା । ଆଜି ସକାଳେ ସୋରିଷମାଳ ଗ୍ରାମବାସୀମାନେ ଏଭଳି ଦୁର୍ଘଟଣା ଦେଖି ମାଲକାନଗିରି ଥାନାକୁ ଖବର ଦେଇଥିଲେ। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଟ୍ରକକୁ ଜବତ କରିବା ସହ ତଦନ୍ତ ଆରମ୍ଭ ହୋଇଛି।
(ରିପୋର୍ଟ:ବରିଷ୍ଠ ସାମ୍ବାଦିକ କେଶବ ଚନ୍ଦ୍ର ନାୟକ, ମାଲକାନଗିରି)