ଟ୍ରକ ତଳେ ପଶିଗଲା ବାଇକ: ଟ୍ରକ ଓ ବାଇକ ଚାଳକ ଆହତ ।

ଭଞ୍ଜନଗର,୦୯/୦୫(ପିପିଟି);ରବିବାର ଭୋର ପ୍ରାୟ ୫ଟା ସମୟରେ ବ୍ରହ୍ମପୁର ଠାରୁ ସମ୍ବଲପୁର ଯାଉଥିବା ଏକ ମାଲ ବୋଝେଇ ଟ୍ରକ ଭଞ୍ଜନଗର ମୁଖ୍ୟ ରାସ୍ତା ଅତିକ୍ରମ କରୁଥିବା ବେଳେ ଖାଲା ସାହିରୁ ହାଠାତ୍ ଏକ ବାଇକ ମୁଖ୍ୟ ରାସ୍ତାକୁ ଆସିଯିବା ଫଳରେ ଟ୍ରକଟି ଭାରସାମ୍ୟ ହରାଇ ଡାହାଣ ପଟେ ଥିବା ଡିଭାଇଡ଼ର ଉପରକୁ ଚଢ଼ି ଯାଇଥିଲା। ବାଇକଟି ଟ୍ରକକୁ ଧକ୍କାଦେଇ ଗାଡ଼ି ଭିତରେ ପଶି ଯାଇଥିବା ବେଳେ ଚାଳକ ସୋରିଷ ମୁଳିର ନିଳାଞ୍ଚଳ ସ୍ୱାଇଁ ବାଇକରୁ ଛିଟକି ପଡ଼ି ଗୁରୁତର ଆହତ ହୋଇଥିଲେ।ସେହିପରି ଟ୍ରକ ଧକ୍କାରେ ଡିଭାଇଡ଼ର ରେ ଲାଗିଥିବା ବିଦ୍ୟୁତ ଖୁଣ୍ଟ ଓ କିଛି ଲୁହା ଗ୍ରୀଲ ଉପୁଡ଼ି ଯିବା ସହ ଡ୍ରାଇଭର ମଧ୍ୟ ଆହତ ହୋଇଥିଲେ। ଉଭୟଙ୍କୁ ସ୍ଥାନୀୟ ଲୋକମାନେ ଉଦ୍ଧାର କରି ଭଞ୍ଜନଗର ମେଡ଼ିକାଲକୁ ନେଇଥିଲେ।ହେଲେ ନିଳାଞ୍ଚଳର ଅବସ୍ଥା ଗୁରୁତର ଥିବାରୁ ତାକୁ ବ୍ରହ୍ମପୁର ମେଡ଼ିକାଲକୁ ସ୍ଥାନାନ୍ତର କରାଯାଇଛି। ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ଟ୍ରକ ଓ ଡ୍ରାଇଭର ଉଭୟଙ୍କୁ ଥାନାରେ ଅଟକ ରଖିଛି।

(ରିପୋର୍ଟ- ଜୟକୃଷ୍ଣ ପଟ୍ଟନାୟକ। )