ଟଙ୍କା ଓ ମୋବାଇଲ ଜବତ, ୬ଜୁଆଡ଼ି ଗିରଫ ।

ଭଞ୍ଜନଗର,୧୬/୦୭(ପିପିଟି): ଭଞ୍ଜନଗର ଥାନା ଅନ୍ତର୍ଗତ ରାଜକୁଣ୍ଡୁ ଗ୍ରାମର ଏକ ଅବ୍ୟବହୃତ ଘରେ ଜୁଆ ଖେଳ ଚାଲିଥିବା ଖବର କୌଣସି ସୂତ୍ରରୁ ପାଇ ପୋଲିସ ଅଚାନକ ସେହି ଜୁଆ ଆଡ୍ଡା ଉପରେ ଚଢ଼ାଉ କରିଥିଲା। ସେଠାରୁ ରାଜକୁଣ୍ଡୁ ଗ୍ରାମର ସୁନୀଲ ସ୍ୱାଇଁ, ମିଟୁ ସାହୁ,ବିକ୍ରମ ପ୍ରଧାନ, କାର୍ତ୍ତିକ ପ୍ରଧାନ ଏବଂ ଲାଲସିଙ୍ଗି ଗ୍ରାମର ଚରଣ ନାୟକ ଓ ଗୋପୀନାଥ ସ୍ୱାଇଁ ୬ଜଣ ଜୁଆଡ଼ିଙ୍କୁ ଗିରଫ କରିବା ସହ ସେମାନଙ୍କ ନିକଟରୁ ୫ଟି ମୋବାଇଲ ଫୋନ ଓ ୩୦,୫୨୦ ଟଙ୍କା ଜବତ ହୋଇଥିବା ଭଞ୍ଜନଗର ଥାନା ଅଧିକାରୀ ଧିରେସ କୁମାର ଦାସ ସୂଚନା ଦେଇଛନ୍ତି।
(ରିପୋର୍ଟ- ଜୟକୃଷ୍ଣ ପଟ୍ଟନାୟକ। )