ଜୁଆ ଆଡ୍ଡାରେ ଚଢ଼ାଉ କରି ପାଞ୍ଚ ଜୁଆଡିଙ୍କୁ ଗିରଫ କଲା ବେଲଗୁଣ୍ଠା ପୋଲିସ୍ ।

ବେଲଗୁଣ୍ଠା,୦୧/୦୬(ପିପିଟି): ବେଲଗୁଣ୍ଠା ପୋଲିସ୍ ଏକ ଜୁଆ ଅଡ୍ଡା ଉପରେ ଚଢ଼ାଉ କରି ସେଠାରୁ ପାଞ୍ଚ ଜଣଙ୍କୁ ଗିରଫ କରିଥିବା ସୂଚନା ମିଳିଛି ।ବେଲଗୁଣ୍ଠା ପୋଲିସ୍ ଏହି ଥାନା ଅନ୍ତର୍ଗତ ଜିରୋଳି ଗ୍ରାମର ପାଣିପମ୍ପ ନିକଟରେ ଚାଲିଥିବା ଜୁଆଆଡ୍ଡା ଉପରେ ଚଢ଼ାଉ କରି ସେଠାରୁ ଭଞ୍ଜନଗର ଥାନା ଅନ୍ତର୍ଗତ ବୁଦୁଲି ଗ୍ରାମର ନାରାୟଣ ସ୍ୱାଇଁ (୩୪),କୁରୁଳାଇ ଗ୍ରାମର ନିରଞ୍ଜନ ସ୍ଵାଇଁ (୩୪), ଗୋଲାପଡ଼ା ଗ୍ରାମର ରାଜେଶ୍ ଗୁରୁ, ପାଟରାପଲ୍ଲୀ ଗ୍ରାମର ରଞ୍ଜିତ୍ ନାଇକ (୩୫) ଏବଂ ଜିରୋଳିର ରବୀନ୍ଦ୍ର ନାଇକ (୩୭)ଙ୍କୁ ଗିରଫ କରିବା ସହିତ ସେମାନଙ୍କ ନିକଟରୁ ନଗଦ ୨୨,୪୩୦ ଟଙ୍କା, ପାଞ୍ଚୋଟି ମୋଟରସାଇକେଲ୍, ପାଞ୍ଚୋଟି ମୋବାଇଲ୍ ଏବଂ ଦୁଇ ପ୍ୟାକେଟ୍ ତାସ୍ ଜବତ କରିଥିବା ବେଲଗୁଣ୍ଠା ଥାନା ଅଧିକାରୀ ପ୍ରକାଶ କୁମାର ସାହୁ ସୂଚନା ଦେଇଛନ୍ତି I

ରିପୋର୍ଟ-ସୁଶାନ୍ତ କୁମାର ବେହେରା