ଜରାଶ୍ରମରେ ପିପିଟି ପକ୍ଷରୁ ମାସ୍କ, ସାନିଟାଇଜର, ସାବୁନ ଓ ଛତା ବଣ୍ଟନ।

ପୋଲସରା, ୦୨/୧୦(ପିପିଟି):ଆଜି ପବିତ୍ର ଅକ୍ଟୋବର ୨ତାରିଖ ଗାନ୍ଧୀ ଓ ଶାସ୍ତ୍ରୀ ଜୟନ୍ତୀ ଅବସରରେ ପିପୁଲ୍ସ ପ୍ରେସ୍ ଟ୍ରଷ୍ଟ ପକ୍ଷରୁ ପୋଲସରା ବ୍ଲକ ଅନ୍ତର୍ଗତ ହାତୀଓଟ ଠାରେ ଥିବା ଜରାଶ୍ରମରେ ଥିବା ଅନ୍ତେବାସୀ ମାନଙ୍କୁ ମାସ୍କ, ସାନିଟାଇଜର, ସାବୁନ ଓ ଛତା ବଣ୍ଟନ କରାଯାଇଥିଲା। ପିପିଟି ପକ୍ଷରୁ ଅପରାହ୍ନ ୫ଟା ସମୟରେ ଜରାଶ୍ରମ ଠାରେ ପହଞ୍ଚି ବିଧାୟକଙ୍କୁ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରାଯାଇଥିଲା। ପିପିଟି ସଭାପତି ଦେବସ୍ମିତା ମହାନ୍ତି, ସମ୍ପାଦକ ସମରଜିତ୍ ମହାନ୍ତି, ଯୁଗ୍ମ ସମ୍ପାଦକ ଅଜିତ କୁମାର ପଟ୍ଟନାୟକ ଅନ୍ତେବାସୀଙ୍କୁ ମାସ୍କ ଓ ଛତା ବଣ୍ଟନ କରିଥିଲେ। ଜରାଶ୍ରମର ଭାରପ୍ରାପ୍ତ ଅଧିକାରୀ ଚତୁର୍ଭୁଜ ପଟ୍ଟନାୟକଙ୍କୁ ସାନିଟାଇଜର ଓ ସାବୁନ ପ୍ଯାକେଟ ପ୍ରଦାନ କରାଯାଇଥିଲା। ଜରାଶ୍ରମର ଉପସଭାତି ରଞ୍ଜନ କୁମାର ସାହୁ ଉପସ୍ଥିତ ଥିଲେ। ଏହି କାର୍ଯ୍ୟକ୍ରମରେ ପିପିଟି ବେଲଗୁଣ୍ଠା ପ୍ରତିନିଧି ସୁଶାନ୍ତ କୁମାର ବେହେରା, ପିପିଟି କବିସୂର୍ଯ୍ୟନଗର ପ୍ରତିନିଧି ଉମାଚରଣ ପଟ୍ଟନାୟକ, ପିପିଟି ପୋଲସରା ପ୍ରତିନିଧି ଦ୍ବୟ ଶରତ କୁମାର ସୁବୁଦ୍ଧି,ସନ୍ତୋଷ କୁମାର ପଣ୍ଡା,କଳମ୍ବ ସରପଞ୍ଚ ପ୍ରଶାନ୍ତ କୁମାର ପ୍ରଧାନ,କବିସୂର୍ଯ୍ୟନଗର ପ୍ରେସ କ୍ଲବ ସମ୍ପାଦକ ସପ୍ନେଶ୍ବର ପାଣିଗ୍ରାହୀ, ପିଣ୍ଟୁ ପ୍ରଧାନ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମରେ ସହାୟତା କରିଥିଲେ। ସ୍ଥାନୀୟ ସାମ୍ବାଦିକ ମାନେ ଉପସ୍ଥିତ ରହିଥିଲେ। ଏହି କାର୍ଯ୍ୟକ୍ରମ ପାଇଁ ଅନ୍ତେବାସୀ ମାନେ ପ୍ରଶଂସା କରିଥିଲେ।

(ରିପୋର୍ଟ- ସନ୍ତୋଷ କୁମାର ପଣ୍ଡା ।)