ଗୁଳି ମାଡ ଜଣେ ମୃତ, ଜଣେ ଗୁରୁତର।

ବ୍ରହ୍ମପୁର, ୦୬/୧୨(ପିପିଟି): ଗଞ୍ଜାମ ଜିଲ୍ଲାର ଖଲ୍ଲିକୋଟ ଥାନା ଅନ୍ତର୍ଗତ ରାୟିପଡା ନିକଟ ସିଆଳିପଟା ଠାରେ ଗୁଳି ମାଡରେ ଜଣେ ମୃତ ହୋଇଥିବା ବେଳେ ଅନ୍ଯ ଜଣେ ଗୁରୁତର ହୋଇଥିବା ଖବର ମିଳିଛି। ଭିକାପଡା ଗାଁର ଅଘରୀ ନାହାକ ଓରଫ ହଟିଆକୁ ଦୁର୍ବୁତ୍ତ ମାନେ ଗୁଳି କରି ହତ୍ଯା କରିଛନ୍ତି ।କୈଇରାଶୀ ଗାଁର ରାଜେଶ ପ୍ରଧାନ ଗୁରୁତର ଆହତ ହୋଇ ବ୍ରହ୍ମପୁର ମେଡିକାଲକୁ ସ୍ଥାନାନ୍ତରିତ କରାଯାଇଛି। ଘଟଣା ସ୍ଥଳରେ ପୁଲିସ ଟିମ୍ ପହଞ୍ଚି ତଦନ୍ତ ଆରମ୍ଭ କରିଛନ୍ତି। ଗୁଳିକାଣ୍ଡ ଘଟଣାର କାରଣ ସ୍ପଷ୍ଟ ହୋଇନାହିଁ।