ଗରୀବ ଝିଅ ଶିବାନୀ ନାହକ ନିଟ୍ ପରୀକ୍ଷାରେ କୃତକାର୍ଯ୍ଯ ।

କବିସୂର୍ଯ୍ଯ ନଗର ,୧୮/୧୦(ପିପିଟି); ସର୍ବ ଭାରତୀୟ ମେଡିକାଲ ପ୍ରବେଶିକା ପରୀକ୍ଷା ନିଟ୍ ୨୦୨୦ ପ୍ରବେଶିକା ପରିକ୍ଷା ଫଳ ପ୍ରକାଶିତ ହୋଇଯାଇଛି । କବିସୂର୍ଯ୍ଯ ନଗର ବ୍ଲକ୍ ଅନ୍ତର୍ଗତ ପାଇକ ଯମୁନା ପଞ୍ଚାୟତର ନିମୁଣ୍ଡିଆ ଗ୍ରାମର ସ୍ବର୍ଗତ ଘନଶ୍ଯାମ ନାହକଙ୍କ ଝିଅ ଶିବାନୀ ନାହକ ୭୨୦ ରୁ ୬୨୩ ମାର୍କ ରଖି କୃତକାର୍ଯ୍ଯ ହୋଇଛନ୍ତି । ଗରୀବ ପରିବାର ଝିଅ ଡାକ୍ତର ହେବ ଏ କଥା କବିସୂର୍ଯ୍ଯ ନଗର ଅଞ୍ଚଳ ପାଇଁ ଖୁସିର ଖବର ପାଲଟିଛି । ପଞ୍ଚାୟତ ସଭା ଗୃହରେ ଶିବାନୀକୁ ସମ୍ବର୍ଦ୍ଧନା ଦିଆଯାଇଛି । ଏହି କାର୍ଯ୍ୟକ୍ରମରେ ଆସ୍କା ବିଧାୟିକା ମଞ୍ଜୁଳା ସ୍ବାଇଁ,ବିଡିଓ ବାସୁଦେବ ନାୟକ,ସରପଞ୍ଚ,ସମିତି ସଭ୍ୟ ସମେତ ଅନ୍ୟ ମାନେ ଉପସ୍ଥିତ ଥିଲେ । ଶିବାନୀର ସଫଳତା ପାଇଁ ସମସ୍ତେ  ପ୍ରଶଂସା କରିବା ସହିତ ତାଙ୍କର ଉଜ୍ବଳ ଭବିଷ୍ୟତ କାମନା କରିଥିଲେ । ନିମୁଣ୍ଡିଆ ଗ୍ରାମ ଏବଂ ପାଇକ ଯମୁନା ପଞ୍ଚାୟତ ପାଇଁ ଶିବାନୀ ଏବେ ଉଦାହରଣ ପାଲଟି ଯାଇଛନ୍ତି । ଗରୀବ ଓ ଅର୍ଥ ବାଧକ ଥିବା ସ୍ବତ୍ତେ ମନୋବଳ ଓ ଚେଷ୍ଟା ସଫଳତା ଛୁଇଁ ପାରେ ତାହା ପ୍ରମାଣ କରି ଦେଖାଇଛନ୍ତି ଶିବାନୀ ।

(ରିପୋର୍ଟ – ଉମା ଚରଣ ପଟ୍ଟନାୟକ)