କୋରନା କଟକଣା ମଧ୍ୟରେ ବ୍ରହ୍ମପୁର ଠାରେ ବିଶ୍ୱ ଫୋଟୋଗ୍ରାଫି ଦିବସ ପାଳିତ ।

ବ୍ରହ୍ମପୁର,୧୯/୦୮(ପିପିଟି); ପ୍ରତ୍ୟେକ ବର୍ଷ ଅଗଷ୍ଟ ମାସ ୧୯ତାରିଖ ରେ ବିଶ୍ୱ ଫୋଟୋଗ୍ରାଫି ଦିବସକୁ ଆନନ୍ଦ ଉଲ୍ଲାସର ସହ ବିଭିନ୍ନ ଦେଶରେ ପାଳନ କରାଯାଉଛି। ଏହି ଅବସରରେ ଚଳିତ ବର୍ଷ କୋରନାକୁ ଦୃଷ୍ଟିରେ ରଖି ଗଞ୍ଜାମ ଜିଲ୍ଲା ବ୍ରହ୍ମପୁର ସହର ରେ ଆଜି ବ୍ରହ୍ମପୁର ଫୋଟ ଗ୍ରାଫର ୱେଲଫେଆର ଆସୋସିଏସନ ତରଫରୁ କୋଭିଡ ନିୟମ ପାଳନ କରିବା ସହ ଏହି ଦିବସ ପାଳନ କରାଯାଇଛି। ଅନୁଷ୍ଠାନର ସଭାପତି ପ୍ରମୋଦ କୁମାର ପଣ୍ଡା, ଉପ ସଭାପତି ଦୁର୍ଗା ପ୍ରସାଦ ଶତପଥୀ, ସମ୍ପାଦକ ଆର.କେ ଦୁର୍ଗା ଓ ଅନ୍ୟ ସଦସ୍ୟ ମାନେ ଏକାଠି ହୋଇ ସୁଦୂର ଆର୍ଜେଣ୍ଟିନା ଠାରେ ପୁରସ୍କୃତ ହୋଇଥିବା ଓଡ଼ିଆ କ୍ଷୁଦ୍ର ଚଳଚ୍ଚିତ୍ର ‘ମାସ୍କ’ ର ନିର୍ଦ୍ଦେଶକ ଡକ୍ଟର ଶ୍ୱେତ କୁମାର ଦାଶଙ୍କୁ ସମ୍ମାନିତ କରିଥିଲେ।ଏହାପରେ ସଂଘର ପ୍ରଥମ ବାର୍ଷିକ ଉତ୍ସବ ପାଳନ କରାଯାଇଥିଲା।ଏଥିରେ ଘୁମୁସର ଫୋଟ ଗ୍ରାଫର ଆସୋସିଏସନ, ଭଞ୍ଜନଗର ର ସଭାପତି ଜୟକୃଷ୍ଣ ପଟ୍ଟନାୟକ ଓ ହିଂଜିଳି କାଟୁ, ସାନ ଖେମୁଣ୍ଡି ଏବଂ ରଙ୍ଗେଇଲୁଣ୍ଡା ର କର୍ମକର୍ତ୍ତା ମାନଙ୍କୁ ମଧ୍ୟ ସମ୍ମାନିତ କରାଯାଇଥିଲା। କିଛି ସଦସ୍ୟଙ୍କ ବିୟୋଗ ଘଟି ଥିବାରୁ ସେମାନଙ୍କ ସ୍ମୃତିରେ ଏକ ମିନିଟ ନୀରବ ପ୍ରାର୍ଥନା କରାଯାଇଥିଲା।ଏଥି ସହ ଆଗାମୀ ଦିନରେ କିଭଳି ସମସ୍ତ ଫୋଟ ଗ୍ରାଫରମାନେ ଏକତ୍ରିତ ହୋଇ କାର୍ଯ୍ୟ କରିବା ସହ ଅନ୍ୟମାନଙ୍କୁ ସାହାଯ୍ୟ ସହଯୋଗ କରି ମିଳିମିଶି କାର୍ଯ୍ୟ ସମ୍ପାଦନ କରିବେ ସେସମ୍ପର୍କରେ ଅତିଥିମାନେ ମତ ଦେଇଥିଲେ।