କେନାଲରେ ଭାସି ଯାଇ ବୃଦ୍ଧାଙ୍କ ମୃତ୍ୟୁ ।

ଭଞ୍ଜନଗର,୦୩/୧୦(ପିପିଟି): ତାରସିଂ ଥାନା ଅଧୀନ ରୁଢ଼ାପଦର ପଂଚାୟତର କଦଳୀଗଡ଼ ଗ୍ରାମରେ କେନାଲ ପାଣିର ପ୍ରଖର ସ୍ରୋତରେ ଭାସି ଯାଇ ଜଣେ ବୃଦ୍ଧାଙ୍କ ମୃତ୍ୟୁ ଘଟିଛି। ମୃତ ବୃଦ୍ଧା ଜଣକ ହେଲେ ଉକ୍ତ ଗ୍ରାମର ବରୁଣ ଜାନୀଙ୍କ ସ୍ତ୍ରୀ ନନ୍ଦିନୀ ଜାନି(୫୫)। ସୂଚନା ପ୍ରକାରେ ନନ୍ଦିନୀ ଜାନି ଆଜି ଅପରାହ୍ନ ୪ଟା ସମୟରେ ଜମି ରେ କାମ ସାରି ଫେରୁଥିବା ବେଳେ ଏହି ସମୟରେ କେନାଲ ପାସ ହୋଇ ଆସୁଥିଲେ। ହଠାତ କେନାଲ ପାଣିର ପ୍ରଖର ସ୍ରୋତ ରେ ସେ ଭାସି ଯାଇଥିଲେ। ପରିବାର ଲୋକେ କିଛି ସମୟ ପରେ ତାଙ୍କୁ ଉଦ୍ଧାର କରିଥିବା ବେଳେ ତାଙ୍କର ମୃତ୍ୟୁ ହୋଇଥିବା ଜଣାପଡିଛି। ଖବର ପାଇଁ ତାରସିଂ ଥାନା ପୋଲିସ ଘଟଣା ସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ ଭଞ୍ଜନଗର ମେଡ଼ିକାଲକୁ ପଠାଇଛି ।
(ରିପୋର୍ଟ- ଜୟକୃଷ୍ଣ ପଟ୍ଟନାୟକ। )