କାୟା ବିସ୍ତାର କରୁଛି ଆପ୍ ।

ବୋଲଗଡ଼, ୧୯/୦୫(ପିପିଟି):ଭ୍ରଷ୍ଟାଚାର ବିରୋଧୀ ଆନ୍ଦୋଳନରୁ ଜନ୍ମ ନେଇଥିବା ରାଜନୈତିକ ଦଳ ଆମ୍ ଆଦମି ପାର୍ଟି ନିଜର ଜନମଙ୍ଗଳ କାରୀ ଯୋଜନା ଗୁଡିକର ସଫଳ ରୁପାୟନ ଫଳରେ ଖୁବ୍ କମ୍ ଦିନ ମଧ୍ୟରେ ଦେଶର ଅଧିକାଂଶ ରାଜ୍ୟରେ ନିଜର ଉପସ୍ଥିତି ଜାହିର୍ କରିବା ସହିତ ଦୁଇଟି ରାଜ୍ୟରେ ପୂର୍ଣ ବହୁ ମତରେ ସରକାର ଗଠନ କରି ପାରିଛି । ଆମ୍ ଆଦମି ପାର୍ଟିର ଲୋକପ୍ରିୟ ଯୋଜନା ପ୍ରତି ପରିବାରକୁ ଦେୟ ମୁକ୍ତ ୨୦୦ ୟୁନିଟ୍ ପର୍ଯ୍ୟନ୍ତ ବିଜୁଳି ଯୋଜନାକୁ ଓଡିଶାରେ ଲାଗୁ କରାଇବାକୁ ରାଜ୍ୟ ଆବାହକ ନିଶିକାନ୍ତ ମହାପାତ୍ରଙ୍କ ନେତୃତ୍ବରେ ଓଡିଶା ସରକାରଙ୍କୁ ଦାବିପତ୍ର ପ୍ରଦାନ କରାଯିବାର ଯୋଜନା ରହିଛି. ଯେଉଥି ପାଇଁ ରାଜ୍ୟ ବ୍ୟାପୀ ସ୍ବେଚ୍ଛାସେବୀ ମାନେ ଘରକୁ ଘର ଜାଇ ଦସ୍ତଖତ ସମ୍ବଳିତ ଦରଖାସ୍ତ ସଂଗ୍ରହ କରି ଲୋକମାନଙ୍କ ସହ ତୃଣମୂଳ ସ୍ତରରେ ଜୋଡି ହେବା ପାଇଁ ଚେଷ୍ଟା କରୁଛନ୍ତି ଏହିକ୍ରମରେ ଆଜି ଶିଳ୍ପୀ କଳ୍ପତରୁ ପଣ୍ଡାଙ୍କ ନେତୃତ୍ବରେ ବୋଲଗଡ଼ ବ୍ଳକର ଧଳାପଥର, କୋଦବେରଣୀ, ଆଋକିମା ଆଦି ସ୍ଥାନରେ କ୍ରମାଗତ ବୈଠକ କରାଯାଇ ଆନ୍ଦୋଳନକୁ ବ୍ୟାପକ କରାଯିବାକୁ ଚେଷ୍ଟା କରାଯାଇଛି । ଆରିକିମାର ପ୍ରକୃତି ବନ୍ଧୁ ବଂଶୀଧର ପଣ୍ଡା, କୋଦବେରେଣୀର ମହିଳା ଉଦ୍ୟୋଗୀ ବାସନ୍ତୀ ମୁଦୁଲି, ମହିଳା ସମାଜ ସେବୀ ଗୁଲୁବାଶ ସାହୁ ଆମ୍ ଆଦମି ପାର୍ଟିର ଏହି ପ୍ରୟାସକୁ ସ୍ବାଗତ କରିଛନ୍ତି।

(ରିପୋର୍ଟ -ସୁଶାନ୍ତ କୁମାର ପ୍ରଧାନ।)