କଳମ୍ବ ଗ୍ରାମପଞ୍ଚାୟତରେ ପାର୍କ ଓ କନ୍ଫରେନ୍ସ ହଲ ଉଦଘାଟନ ।

ପୋଲସରା,୧୧/୦୯-(ପିପିଟି): ପୋଲସରା ଅନ୍ତର୍ଗତ କଳମ୍ବ ଗ୍ରାମପଞ୍ଚାୟତରେ ସରପଞ୍ଚ ପ୍ରଶାନ୍ତ କୁମାର ପ୍ରଧାନଙ୍କ ତତ୍ତ୍ୱାବଧାନରେ ଏକ ପାର୍କ ଓ କନଫେରେନ୍ସ ହାଲର ଉଦଘାଟନ ହୋଇଯାଇଛି । ଏହି ଉଦଘାଟନୀ ଉତ୍ସବରେ ପୋଲସରା ବିଧାୟକ ତଥା ଜିଲ୍ଲା ଯୋଜନା ବୋର୍ଡ ଅଧ୍ୟକ୍ଷ ଶ୍ରୀକାନ୍ତ କୁମାର ସାହୁ ସମ୍ମାନିତ ଅତିଥି ରୂପେ ଯୋଗ ଦେଇଥିବା ବେଳେ ମୁଖ୍ୟ ଅତିଥି ରୂପେ ଗୃହ, ଶକ୍ତି, ଶିଳ୍ପ,ଅଣୁ ଓ କ୍ଷୁଦ୍ର ମଧ୍ୟମ ଉଦ୍ୟୋଗ ବିକାଶ ମନ୍ତ୍ରୀ ଦିବ୍ୟଶଙ୍କର ମିଶ୍ର ଯୋଗ ଦେବା ସହ ଅନୁଷ୍ଠାନିକ ଭାବେ ମା ଭବାନୀ ଶିଶୁ ଉଦ୍ୟାନ ପାର୍କ ଓ ପଞ୍ଚାୟତ କାର୍ଯ୍ୟାଳୟ ପରିସର ସ୍ଥିତ ରାଜୀବଗାନ୍ଧୀ ସେବାକେନ୍ଦ୍ର ଉପର ମହଲାରେ ନୂତନ ନିର୍ମିତ କନ୍ଫରେନ୍ସ ହଲର ଉଦଘାଟନ କରିଥିଲେ ।ଉପଯୁକ୍ତ ମାନର କାର୍ଯ୍ୟ ପାଇଁ ସରପଞ୍ଚ ପ୍ରଶାନ୍ତ କୁମାର ପ୍ରଧାନଙ୍କୁ ମନ୍ତ୍ରୀ ପ୍ରଶଂସା କରିଥିଲେ । ପଞ୍ଚାୟତର ସମସ୍ତ ଚାଷୀ ଓ ଅଞ୍ଚଳ ବାସିନ୍ଦାଙ୍କୁ ପବିତ୍ର ନୂଆଁଖାଇ ପର୍ବ ପାଇଁ ଅଭିନନ୍ଦନ ଜଣାଇବା ସହ କଲମ୍ବ ଗ୍ରାମପଞ୍ଚାୟତ ପରି ଆହୁରି ୨୦ଗୋଟି ପାର୍କ ନିର୍ମାଣ କରାଯିବ ବୋଲି କହିଥିଲେ । ଉକ୍ତ କାର୍ଯ୍ୟକ୍ରମ ବ୍ଲକ ଅଧ୍ୟକ୍ଷ ବଳରାମ ସେଠୀ ପରିଚାଳନା କରିଥିବାବେଳେ ଉପାଧ୍ୟକ୍ଷା ସଂଯୁକ୍ତା ବାଡ଼ତ୍ୟା ,ସମିତି ସଭ୍ୟା ଗୀତାଞ୍ଜଳି ସାହୁ ଏବଂ ବ୍ଲକ ଓ ପଞ୍ଚାୟତର କର୍ମଚାରୀ ଉପସ୍ଥିତ ରହି ପରିଚାଳନାରେ ସହଯୋଗ କରିଥିଲେ ।

(ରିପୋର୍ଟ – ସନ୍ତୋଷ କୁମାର ପଣ୍ଡା)