ଏସ ଇ ଏମ ଓ ପମ୍ପ ଚାଳକ ସଙ୍ଘ ସଭାପତିଙ୍କ ବିୟୋଗ, ସଙ୍ଘ ପକ୍ଷରୁ ଶୋକ ଓ ସହାୟତା ପ୍ରଦାନ ।

କୋଦଳା,୦୬/୦୮(ପିପିଟି):ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକ ଏସ ଇ ଏମ ଓ ପମ୍ପ ଚାଳକ ସଂଘର ସଭାପତି ପ୍ରବୀଣ ବେହେରା ଙ୍କ ଅକାଳ ବିୟୋଗ ହୋଇଥିଲା । ଏଥିପାଇଁ ଆଜି ସଙ୍ଘ ପକ୍ଷରୁ କେ. ବରିଡା ସ୍ଥିତ ଶ୍ରୀ ଶ୍ରୀ ଅମରେଶ୍ୱର ମନ୍ଦିର ପରିସରରେ ଏକ ଶୋକ ସଭା କରାଯାଇ ଥିଲା । ଏଥିରେ ଜିଲ୍ଲା ସଭାପତି ପ୍ରମୋଦ ଚନ୍ଦ୍ର ପାଣିଗ୍ରାହୀ, ସମ୍ପାଦକ ସନ୍ତୋଷ କୁମାର ରେଡି, ଉପସଭାପତି ଅରକ୍ଷିତ ବାରିକ, ଉପଦେଷ୍ଟା ପ୍ରଭାତ କୁମାର ସାହୁ, ବି ଡି ସି ଏସ ଜଗନ୍ନାଥ ପାଣିଗ୍ରାହୀ, ବ୍ଲକ ସମ୍ପାଦକ ହରଷ ରାଉତ, ଉପସଭାପତି ତାପସ ନାୟକ ଯୋଗଦେଇ ସ୍ବର୍ଗତ ବେହେରାଙ୍କ ସ୍ମୃତି ଚାରଣ କରିଥିଲେ । ଏଥିସହ ସମସ୍ତ କର୍ମକର୍ତ୍ତା ମନ୍ଦିର ପରିସରରୁ ଆସି ସ୍ବର୍ଗତ ବେହେରାଙ୍କ ବାସଭବନରେ ପହଞ୍ଚି ଶୋକ ପ୍ରକାଶ କରିଥିଲେ । ସେଠାରେ ତାଙ୍କ ପରିବାରକୁ ସମବେଦନା ଜଣାଇବା ସହ କିଛି ଆର୍ଥିକ ସହାୟତା ପ୍ରଦାନ କରିଥିଲେ । ଏଥିରେ ବ୍ଲକ ର ସମସ୍ତ ଏସ ଇ ଏମ ଓ ପମ୍ପ ଚାଳକ ଉପସ୍ଥିତ ଥିଲେ ।

(ରିପୋର୍ଟ- ସୂର୍ଯ୍ୟନାରାୟଣ ବଡୁ ।)