ଆତଙ୍କ ଖେଳାଇଲା ଭାଲୁ,ଆକ୍ରମଣ ରେ ଜଣେ ଲହୁ ଲୁହାଣ ।

ପଦ୍ମପୁର,୨୯/୦୮(ପିପିଟି); ପଦ୍ମପୁର ଉପଖଣ୍ଡ ପାଇକମାଲ ବ୍ଳକ କେର୍ମେଲାବାହଲ ଗାଁ ଟି ଗନ୍ଧମାର୍ଦ୍ଦନ ପାଦ ଦେଶ ରେ ଅବସ୍ଥିତ । ଉକ୍ତ ଗ୍ରାମ ରେ ଭାଲୁ ଜଣକୁ ଆକ୍ରମଣ କରି ଲହୁଲୁହାଣ କରିଛି ପ୍ରକାଶ ଚନ୍ଦ୍ର ନାଗ କୁ । ଆଜି ଭୋର ସକାଳରୁ ପ୍ରକାଶ ବିଲକୁ ଚାଷ କାମପାଇଁ ଯାଇଥିଲେ ତାଙ୍କ ସାଙ୍ଗସହ । ସେହି ସମୟରେ ଅତର୍କିତ ଭାବରେ ଭାଲୁଟି ଆକ୍ରମଣ କରି ପ୍ରକାଶର ମୁହଁକୁ ଲହୁଲୁହାଣ କଲା ପାଖରେଥିବା ସାଙ୍ଗ ଘଉଡାଇବାରୁ ଭାଲୁଟି ଛାଡିଥିଲା ପ୍ରକାଶକୁ । ଏହାପରେ ଗାଁ ଲୋକେ ଖବରପାଇଁ ଘଟଣା ସ୍ଥଳକୁ ପହଞ୍ଚି ଘରକୁ ଆଣିଥିଲେ ପ୍ରକାଶକୁ ଓ ୧୦୮ କୁ ଫୋନ କରିଥିଲେ ଏବଂ ଏବେ ପଦ୍ମପୁର ଡାକ୍ତରଖାନାକୁ ପଠାଇଛନ୍ତି । ଏହି ଭାଲୁ କେରମେଲାବାହଲ ସମେତ ନିକଟସ୍ଥ ହରିଡାଟାଲ, ତେତେଲଖୁଣ୍ଟି, ବୋଡାସମ୍ବର ଆଦି ଗ୍ରାମରେ ଆତଙ୍କ ଖେଳାଇ ଦେଇଛି । ଏହି ଗ୍ରାମଗୁଡିକୁ ଲାଗି ଗନ୍ଧମାର୍ଦ୍ଧନ ପାହାଡ଼ ଅଛି ଯେଉଁଠି ପାଖାପାଖି ୧୫ ରୁ ୨୦ ଟି ଭାଲୁ ଅଛନ୍ତି ହେଲେ କେବେବି ଜନବସତିମୁହାଁ ହୁଅନ୍ତିନାହିଁ । ହେଲେ ଏହି ଭାଲୁ ଲୋକଙ୍କ ମନରେ ଭୟ ସୃଷ୍ଟି କରିଛି । ପଦ୍ମପୁର ବନବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ଯାଞ୍ଚ ଆରମ୍ଭ କରିଛନ୍ତି । ରିପୋର୍ଟ – ନିରଞ୍ଜନ ତ୍ରିପାଠୀ ।