ଅଗ୍ନିକାଣ୍ଡ ଘଟି ୪ଟି ପରିବାରର ୬ବଖରା ଭସ୍ମୀଭୂତ ।

ଭଞ୍ଜନଗର, ୧୨/୬(ପିପିଟି): ଭଞ୍ଜନଗର ବ୍ଲକ ବ୍ରାହ୍ମଣ ପଦର ପଞ୍ଚାୟତ ନୂଆ ପଲି ଗ୍ରାମରେ ଆଜି ସକାଳ ସାଢ଼େ ଆଠଟା ସମୟରେ ଅଗ୍ନିକାଣ୍ଡ ଘଟି ୪ଟି ପରିବାରର ୬ବଖରା ଘର ପୋଡ଼ି ସମ୍ପୂର୍ଣ୍ଣ ପାଉଁଶ ହୋଇଯାଇଛି।ସେଥି ମଧ୍ୟରେ ସୁର୍ଯ୍ୟ ନାରାୟଣ ଗୌଡ଼ଙ୍କର ୨ବଖରା, ଗୀତାଞ୍ଜଳି ଗୌଡ଼ଙ୍କର ୨ବଖରା, ଅମୂଲ୍ୟ ଗୌଡ଼ ଓ ସୀମାଞ୍ଚଳ ଗୌଡ଼ଙ୍କର ଗୋଟିଏ ଲେଖାଏଁ ବଖରା ଘର ପୋଡ଼ି ପାଉଁଶ ହୋଇଯାଇଛି।ଘରେ ଥିବା ସମସ୍ତ ଜିନିଷ ପତ୍ର ,ଧାନ, ଚାଉଳ, ଆସବାବପତ୍ର ଓ ଲୁଗାପଟା ପୋଡ଼ି ନଷ୍ଟ ହୋଇଯାଇଛି। ନିଆଁ ଲାଗିଥିବା ଦେଖି ଗ୍ରାମବାସୀ ମାନେ ଭଞ୍ଜନଗର ଅଗ୍ନିଶମ ବିଭାଗକୁ ଜଣାଇଥିଲେ।ସଙ୍ଗେ ସଙ୍ଗେ ଦୁଇଟି ଦମକଳ ସେଠାରେ ପହଞ୍ଚି ନିଆଁ କୁ ଆୟତ୍ତ କରିଥିଲା। ସଟ୍ ସର୍କିଟ ଯୋଗୁଁ ଅଗ୍ନିକାଣ୍ଡ ଘଟିଥିବା ଜଣାପଡିଛି।

ରିପୋର୍ଟ -ଜୟକୃଷ୍ଣ ପଟ୍ଟନାୟକ