୨୪ କିଲୋ ଗଞ୍ଜେଇ ଜବତ,ଦୁଇ ଜଣ ଗିରଫ ।

ମାଲକାନଗିରି,ତା:୨୧/୦୯(ପିପିଟି); ଆଜି ବାଲିମେଳା ଅବକାରୀ କର୍ମଚାରୀଙ୍କ ଦ୍ବାରା ୨୪ କିଲୋ ୪୦୦ ଗ୍ରାମ ଗଞ୍ଜେଇ ଜବତ କରାଯାଇଥିବା ବେଳେ ଦୁଇ ଜଣ ଆସାମୀଙ୍କୁ ଗିରଫ କରାଯାଛି । ପ୍ରାପ୍ତ ସୂଚନା ଅନୁସାରେ ୨ଟି ମୋଟର ସାଇକେଲ ଯୋଗେ ୨ ଜଣ ଯୁବକ ଗୋଟାଏ ଲେଖାଏଁ ଗଞ୍ଜେଇ ବସ୍ତା ଲଦି ବାଲିମେଳା ଅଞ୍ଚଳରୁ ନବରଙ୍ଗପୁରକୁ ଯାଉଥିବା ବେଳେ ବାଲିମେଳା ଅବକାରୀ କର୍ମଚାରୀମାନେ ସୁନାନଗର ଛକ ଠାରେ ଦୁଇଟି ମୋଟର ସାଇକେଲକୁ ଅଟକାଇ ଯାଞ୍ଚ କରିଥିଲେ । ମୋଟର ସାଇକେଲରେ ଗୋଟାଏ ଲେଖାଏ ବସ୍ତା ବନ୍ଧାଯାଇଥିବା ବେଳେ ସେହି ବସ୍ତାରେ ଗଞ୍ଜେଇ ରହିଥିବା ଅବକାରୀ କର୍ମଚାରୀମାନେ ଜାଣିବାକୁ ପାଇଥିଲେ । ଫଳରେ ଗଞ୍ଜେଇ ଚୋରା ଚାଲାଣକାରୀ ଆସାମୀ ଅବଦୁଲ ଆଲିମ(୩୫) ଏବଂ ଶେଖ ଆସ୍ଲାମ (୩୨)ଙ୍କୁ ଗିରଫ କରି ମାଲକାନଗିରି କୋର୍ଟକୁ ଚାଲାଣ କରାଯାଇ ଥିଲା । ସେମାନଙ୍କ ଘର ନବରଙ୍ଗପୁର ବୋଲି ଜଣା ପଡିଛି । ସେମାନଙ୍କ ଠାରୁ ଦୁଇଟି ମୋଟର ସାଇକେଲ ଆବକାରୀ କର୍ମଚାରୀମାନେ ଜବତ କରିଛନ୍ତି । ଅବକାରୀ ଅଧିକ୍ଷକ ଅଶୋକ କୁମାର ସେଠଙ୍କ ନିର୍ଦ୍ଦେଶ କ୍ରମେ ବାଲିମେଳା ଅବକାରୀ ଓଆଇସି ଏଚ୍ ଜଗାରାଓ ସହ ଅବକାରୀ କର୍ମଚାରୀମାନେ ଏହି ଚଢାଉରେ ସହଯୋଗ କରିଥିଲେ । (ରିପୋର୍ଟ:ବରିଷ୍ଠ ସାମ୍ବାଦିକ କେଶବ ଚନ୍ଦ୍ର ନାୟକ,ମାଲକାନଗିରି)