ମାଥିଲି ପୋଲିସ ଦ୍ବାରା ୧୨୨୦ କିଗ୍ରା ଗଞ୍ଜେଇ ଜବତ,ଜଣେ ଗିରଫ ।

ମାଲକାନଗିରି,ତା୧୨/୦୯(ପିପିଟି); ମାଲକାନଗିରି ଜିଲ୍ଲା ଅନ୍ତର୍ଗତ ମାଥିଲି ଥାନା ପୋଲିସ ଦ୍ବାରା ଗୋବିନ୍ଦ ପଲ୍ଲୀ ଫରେଷ୍ଟ ଗେଟ୍ ନିକଟରେ ଏକ ବେଲୋର ଗାଡି ଜୟପୁର ଅଭିମୁଖେ ଅତିକ୍ରମ କରିବା ସମୟରେ ଥଟକା ଯାଇ ତଦନ୍ତ କରାଯାଇଥାବା ବେଳେ ୧୨୨୦ କିଗ୍ରା ଗଞ୍ଜେଇ ଜବତ କରାଯାଇ ଜଣେ ଆସାମୀଙ୍କୁ ଗିରଫ କରାଯାଇଛି । ଘଟଣାରୁ ପ୍ରକାଶ ଯେ,ମାଥିଲି ଥାନା ଏସଆଇ ଆରକେ ସେଠୀ ପୋଲିସ ଦଳ ସହ ସଂଧ୍ଯା ୮ ଘଟିକା ସମୟରେ ଗୋବିନ୍ଦ ପଲ୍ଲୀ ଫରେଷ୍ଟ ଗେଟ୍ ଠାରେ ରହି ଯାନବାହାନ ତଦନ୍ତ କରୁଥିବା ବେଳେ ଏହି ସମୟରେ ଗୋଟେ ବେଲୋର ଗାଡି ଅତିକ୍ରମ କରୁଥିଲା । ଏହି ସମୟରେ ପୋଲିସ ଗାଡିକୁ ଅଟକାଇ ଯାଞ୍ଚ କରିଥିବା ବେଳେ ୪୯ ଗୋଟି ପଲିଥିନ ବସ୍ତା ଦେଖିବାକୁ ପୋଲିସ ପାଇଥିଲା । ତଦନ୍ତ ପରେ ପୋଲିସ ଗଞ୍ଜେଇଥିବା ଅନୁମାନ କରିଥିବା ବେଳେ ଯାଞ୍ଚ ସମୟରେ ବସ୍ତାଗୁଡିକରୁ ଗଞ୍ଜେଇ ୧୨୨୦ କିଲୋ ୭୦୦ ଗ୍ରାମ ପ୍ରାପ୍ତ ହୋଇଥିଲା । ଯାହାର ବଜାର ମୂଲ୍ଯ ୩୫ ଲକ୍ଷ ବୋଲି ପୋଲିସ ସୂତ୍ରରୁ ପ୍ରକାଶ । ବଲରୋ ଗାଡିରେ ଡ୍ରାଇଭର ସଞ୍ଜୟ ରାୟ ୪୫ ରହିଥିବା ବେଳେ ତାଙ୍କ ଘର ପଶ୍ଚିମ ବଙ୍ଗର ରାଜ୍ଯର ମଲଦା ଜିଲ୍ଲା ଅନ୍ତର୍ଗତ ଭଗବାବପୁର ଗ୍ରାମରେ । ଏହି ଗଞ୍ଜେଇ ମାଲକାନଗିରି ଥାନା ନିକଟସ୍ଥ ପଦ୍ମଗିରି ଅଞ୍ଚଳରୁ ପଶ୍ଚିମ ବଙ୍ଗକୁ ଚାଲାଣ ହେଉଥିବା ବେଳ ଗଞ୍ଜେଇ କିଣାରେ ଅର୍ଥ ଲଗାଣକାରୀ ବ୍ଯକ୍ତି ଏବଂ ବିକ୍ରେତାଙ୍କ ସଂପର୍କରେ ପୋଲିସ ଗିରଫ ଆସାମୀଙ୍କ ଠାରୁ ତଥ୍ଯ ସଂଗ୍ରହ କରିଛି । ପରବର୍ତ୍ତୀ ସମୟରେ ସେମାନଙ୍କ ବିରୁଦ୍ଧରେ ମଧ୍ଯ କାର୍ଯ୍ଯାନୁଷ୍ଠାନ ଗ୍ରହଣ କରାଯିବ ବୋଲି ପୋଲିସ ପ୍ରକାଶ କରିଛି । ମାଥିଲି କେଶ ନଂ:୧୨୯ ଅନୁସାରେ ଆସାମୀ ସଞ୍ଜୟ ରାୟ ବିରୁଦ୍ଧରେ ଏନଡିପିଏସ ଧାରା ଅନୁସାରେ ମାମଲା ରୁଜୁ କରାଯାଇ ମାଲକାନଗିରି କୋର୍ଟକୁ ଚାଲାଣ କାଯାଇଛି । ଆସାମୀ ଠାରୁ ଏକ ବେଲୋର ଗାଡି ଗୋଟାଏ ମୋବାଇଲ,ଏକ ହଜାର ଟଙ୍କା ଜବତ କରାଯାଇଛି । ୨୦୨୦ ସେପ୍ଚେମ୍ବର ଆଜି ପର୍ଯ୍ଯନ୍ତ ମାଥିଲି ଥାନା ପୋଲିସ ୨୪ ହଜାର୨୧୫ କିଲୋ ୭୧୦ ଗ୍ରାମ ଗଞ୍ଜେଇ ଜବତ କରିଥିବା ବେଳେ ୨୦୬ ଜଣ ଅପରାଧିଙ୍କୁ ଗିରଫ କରିବାରେ ସଫଳ ହୋଇଛି ଏବଂ ୭୩ ଗୋଟି ଗାଡିକୁ ଜବତ କରିଛି । (ରିପୋର୍ଟ:ବରିଷ୍ଠ ସାମ୍ବାଦିକ କେଶବ ଚନ୍ଦ୍ର ନାୟକ,ମାଲକାନଗିରି)