ବୋଲଗଡ,୦୭/୦୨(ପିପିଟି): ଦେଶରେ ଶାସନ ପ୍ରକ୍ରିୟା ବ୍ୟବସ୍ଥାରେ ବିଭିନ୍ନ ବିଭାଗରେ ହଜାର ହଜାର ସରକାରୀ କର୍ମଚାରୀ କାର୍ଯ୍ୟ କରୁଅଛନ୍ତି । ସାଧାରଣ ଲୋକମାନଙ୍କର ବିଭିନ୍ନ ସରକାରୀ ଯୋଜନା ଠାରୁ ଆରମ୍ଭ କରି ବିକାଶ ମୂଳକ କାର୍ଯ୍ୟରେ ସରକାରୀ କର୍ମଚାରୀଙ୍କ ଗୁରୁତ୍ୱପୂର୍ଣ୍ଣ ଭୂମିକା ରହିଛି । ତେବେ ସରକାରୀ କର୍ମଚାରୀ ମାନଙ୍କ ସ୍ୱଚ୍ଛତା କାର୍ଯ୍ୟ ନିମନ୍ତେ ବଦଳି ପ୍ରକ୍ରିୟା ଆଇନ ରହିଛି । କିନ୍ତୁ ବୋଲଗଡ ବ୍ଲକ ଅଞ୍ଚଳରେ ଏହାର ବ୍ୟତିକ୍ରମ ଦେଖିବାକୁ ମିଳିଛି । ରାଜ୍ୟ ଓ କେନ୍ଦ୍ର ସରକାର ଚଳିତ ବର୍ଷ ବଦଳି ପ୍ରକ୍ରିୟାରେ କିଛି ହାତ ଗଣତି ସରକାରୀ କର୍ମ ଚାରୀ ବଦଳି ହୋଇଥିବା ବେଳେ ଆଉ କେତେକ ସରକାରୀ କର୍ମଚାରୀ ତାଙ୍କ ଉଚ୍ଚ ପଦସ୍ତ ଅଧିକାରୀଙ୍କୁ ହାତ କରି ଗାଦି ମାଡି ବସିଅଛନ୍ତି।ଫଳରେ ଗୋଟିଏ ଜାଗାରେ ବହୁ ବର୍ଷ ରହିବା ଫଳରେ ଦଲାଲଙ୍କୁ ହାତ ବାରିସୀ କରି କରି କୋଟି କୋଟି ଟଙ୍କା କମାଇବାରେ ବେଶ ମାହିର ହୋଇଗଲେଣି । ତତ ସହିତ ତାଙ୍କ ଉଚ୍ଚସ୍ତ ପଦଅଧିକାରୀଙ୍କୁ ନିଜ ଅକ୍ତିଆରୀରେ ରଖି ସରକାରୀ କାର୍ଯ୍ୟ କରୁଥିବାର ସାଧାରଣରେ ଚର୍ଚ୍ଚା ହେଉଛି । ତେବେ ସାଧାରଣ ଲୋକମାନଙ୍କର କାର୍ଯ୍ୟ ଦଲାଲି ମାନଙ୍କ ଦ୍ୱାରା କାର୍ଯ୍ୟ ହେବା ସହିତ ବୋଲଗଡ ବ୍ଲକରେ ଏନ. ଆର.ଜି.ଏସ ଯୋଜନା ଭଳି ବହୁ ଯୋଜନାରେ ଦୃନୀତି ନେଇ ଗଣମାଧ୍ୟମ ଆଦିରେ ଚର୍ଚ୍ଚାର କେନ୍ଦ୍ର ବିନ୍ଦୁ ପାଲଟିଛି । ଏଥିପ୍ରତି ରାଜ୍ୟ ସରକାର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ଖୋର୍ଦ୍ଧା ଜିଲ୍ଲାପାଳ ଚଞ୍ଚଳ ରାଣା ପ୍ରମୁଖ ବଦଳି ପ୍ରକ୍ରିୟା କରିବା ସହିତ ବିଭିନ୍ନ ବିଭାଗ ନିରାପକ୍ଷ ତଦନ୍ତ କରିବାକୁ ବୋଲଗଡ ବ୍ଲକ ଅଞ୍ଚଳ ସମସ୍ତ ଜନସାଧାରଣମାନେ ଦାବୀ କରିଅଛନ୍ତି ।
ରିପୋର୍ଟ-ସୁଶାନ୍ତ କୁମାର ପ୍ରଧାନ।