ବୋଲଗଡ, ୧୩/୧୨(ପିପିଟି): ଖୋର୍ଦ୍ଧା ଜିଲ୍ଲା ବୋଲଗଡ ତହସିଲ କାର୍ଯ୍ୟାଳୟରେ ପୁଣି ଡେପୁଟେସନରେ କାର୍ଯ୍ୟ କରିବେ ପୂର୍ବ ତହସିଲଦାର ନିବେଦିତା ପରିଡା l ଗତ ୧୭.୧୦.୨୦୨୪ ରାଜ୍ୟ ସରକାରଙ୍କ ବଦଳି ତାଲିକାରେ କ୍ରମିକ ନଂ ୧୦୬ ଅନୁଯାୟୀ ତାଙ୍କର ଖୋର୍ଦ୍ଧା ଜିଲ୍ଲା କାର୍ଯ୍ୟାଳୟକୁ ଡେପୁଟି କଲେକ୍ଟର ଭାବେ ବଦଳି ହୋଇଥିଲା । ବଦଳି ନିର୍ଦ୍ଧେଶ ସତ୍ତ୍ୱେ ରାଜ୍ୟର ଅନେକ ଅଧିକାରୀ ନିଜ ନୂତନ ସ୍ଥାନରେ ଯୋଗ ଦେଇନଥିବାରୁ ରାଜ୍ୟ ସରକାର ବଦଳି ଓ ପୋଷ୍ଟିଁ ନେଇ କଡ଼ା ଆଭିମୁଖ୍ୟ ପ୍ରଦର୍ଶନ କରିବାରୁ ଓ ଖୋର୍ଦ୍ଧା ଜିଲ୍ଲାପାଳଙ୍କ ରିଲିଭ ନିର୍ଦ୍ଧେଶ ପାଇବା ପରେ ସୁଶ୍ରୀ ନିବେଦିତା ପରିଡ଼ା ତହସିଲ କାର୍ଯ୍ୟାଳୟର ଆଡିସନାଲ ତାହସିଲଦର୍ ଙ୍କୁ ଦାୟିତ୍ଵ ହସ୍ତାନ୍ତରକରି ଖୋର୍ଦ୍ଧାଜିଲ୍ଲା କାର୍ଯ୍ୟାଳୟର ଡେପୁଟି କଲେକ୍ଟର ଭାବେ ନୂତନ ଦାୟିତ୍ଵରେ ଯୋଗ ଦେଇଥିଲେ । କିନ୍ତୁ ଆଜି ଏଡିଏମଙ୍କ ଠାରୁ ପ୍ରକାଶ ପାଇଥିବା ଆଜିର ବିଜ୍ଞପ୍ତିରେ ନିଯୁକ୍ତ ପାଇଥିବା ନୂତନ ତହସିଲଦାର ଟ୍ରେନିଙ୍ଗ ଥିବା ଯୋଗୁଁ ସେ ବୋଲଗଡ କାର୍ଯ୍ୟାଳୟରେ ଯୋଗ ଦେଇପାରିନାହାନ୍ତି । ସେ ଆସିବା ପର୍ଯ୍ୟନ୍ତ ବୋଲଗଡ ତହସିଲ କାର୍ଯ୍ୟାଳୟରେ ପୁନର୍ବାର ସୁଶ୍ରୀ ନିବେଦିତା ପରିଡାଙ୍କୁ ଡେପୁଟେସନରେ ତହସିଲଦାର ଦାୟିତ୍ୱ ପ୍ରଦାନ କରାଯାଇଛି । ଏହି ଖବର ପାଇ ବୋଲଗଡ ଅଞ୍ଚଳର ବୁଦ୍ଧିଜୀବି, ବରିଷ୍ଠ ନାଗରିକ ମଞ୍ଚ, ବହୁ ସମାଜସେବୀ, କିଛି ଆଇନଜୀବି ଏବଂ ଗଣମାଧ୍ୟ୍ୟମର ପ୍ରତିନିଧିମାନେ ବହୁ ଖୁସି ବ୍ୟକ୍ତକରିଛନ୍ତି ।
ରିପୋର୍ଟ-ସୁଶାନ୍ତ କୁମାର ପ୍ରଧାନ।