ବ୍ରହ୍ମପୁର , ୨୪/୦୮ (ପିପିଟି):ଗଞ୍ଜାମ ଜିଲ୍ଲା ବ୍ରହ୍ମପୁର ଦକ୍ଷିଣାଞ୍ଚଳ ଅବକାରୀ ବିଭାଗ ପକ୍ଷରୁ ଆଜି ଗୋପାଳପୁର ଥାନା ଅନ୍ତର୍ଗତ ସାନକୁଶସ୍ଥଳି ଗ୍ରାମ ନିକଟରୁ ଚଢାଉ କରାଯାଇ ଗୋଟିଏ କାର ଏବଂ ବାଇକ୍ ରୁ ୧୨୦ କିଲୋ ଗଞ୍ଜେଇ ଜବତ ହୋଇଥିବା ବେଳେ ଏଥିରେ ୩ ଅଭିଯୁକ୍ତଙ୍କୁ ଗିରଫ କରାଯାଇଛି । ଗଞ୍ଜେଇର ଆନୁମାନିକ ମୂଲ୍ଯ ୧୨ ଲକ୍ଷ ଟଙ୍କା ହେବ ବୋଲି ଅବକାରୀ ବିଭାଗ ପକ୍ଷରୁ ସୂଚନା ମିଳିଛି । ଏଥି ସହ ଗୋଟିଏ କାର୍ ଓ ଦାମୀ ବାଇକ୍ ଜବତ କରାଯାଇଛି । ଗଜପତି ଠାରୁ ବ୍ରହ୍ମପୁର କୁ କାର୍ ଯୋଗେ ଚାଲାଣ ହେଉଥିବା ବେଳେ ସାନ କୁଶସ୍ଥଳୀ ଠାରେ ମାଡିବସିଲା ଅବକାରୀ ବିଭାଗ । ଗିରଫ ଅଭିଯୁକ୍ତମାନେ ମୋହନା ଓ ଅଡବା ଅଞ୍ଚଳର ହୋଇଥିବା ସୂଚନା ମିଳିଛି। ବର୍ତ୍ତମାନ ଅବକାରୀ ବିଭାଗ ପକ୍ଷରୁ ସ୍ପେଶାଲ ଡ୍ରାଇଭ୍ ଚାଲିଥିବା ବେଳେ ଅବକାରୀ କମିଶନର ନରସିଂହ ଭୋଳଙ୍କ ନିର୍ଦ୍ଦେଶ କ୍ରମେ ଅବକାରୀ ବିଭାଗ ପକ୍ଷରୁ ଚଢାଉ ହୋଇଥିଲା । ଆଗକୁ ଚଢାଉ ଜାରି ରହିବ ବୋଲି ସୂଚନା ମିଳିଛି ।
ରିପୋର୍ଟ – ଆରତ କୁମାର ହୋତା