ହିଞ୍ଜିଳିକାଟୁ,୧୮/୦୬(ପିପିଟି); ହିଞ୍ଜିଳିରେ ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେଙ୍କ ଦ୍ୱାରା ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ଅଞ୍ଚଳର ତାରା ତାରିଣୀ ରୋଡ ରାଜ୍ୟ ରାଜପଥ ଓ କେନାଲ ସାହି ସ୍ଥିତ ଶିଶୁମନ୍ଦିର ଠାରୁ ସୁନା ଢ଼ିମ୍ବିରା ପର୍ଯ୍ୟନ୍ତ ବୃକ୍ଷରୋପଣ କାର୍ଯ୍ୟକ୍ରମ କରା ଯାଇଥିଲା। ଏହି କାର୍ଯ୍ୟକ୍ରମରେ ଜିଲ୍ଲା ଗ୍ରାମ୍ୟଉନ୍ନୟନ ପ୍ରକଳ୍ପ ନିର୍ଦେଶକ ଦତାତ୍ରେୟ ଭାଉ ସାହେବ ସିନ୍ଧେ ,ଜିଲ୍ଲା ବନାଞ୍ଚଳ ଅଧିକାରୀ ବ୍ରହ୍ମପୁର ଅମ୍ଳାନ କୁମାର ନାୟକ, ପୌରପରିଷଦ କାର୍ଯ୍ୟନିର୍ବାହୀ ଅଧିକାରୀ ଡ଼ଃ ମନୋରଞ୍ଜନ ସାହୁ,ଗୋଷ୍ଠୀ ଉନ୍ନୟନ ଅଧିକାରୀ ସୁବ୍ରତ କୁମାର ଜେନା, ତହସିଲଦାର ପ୍ରଭାତ କୁମାର ପରିଡା, ହିଞ୍ଜିଳି ଥାନା ଅଧିକାରୀ ଅଭିମନ୍ୟୁ ଦାସ ପୌରପରିଷଦ ଅଞ୍ଚଳର ବି.ଜେ.ଡି ପୂର୍ବତନ ଉପନଗର ପାଳ ପବିତ୍ର ମୋହନ ପାଣିଗ୍ରାହୀ, ସୁବାସ ଚନ୍ଦ୍ର ପୋଲାଇ, ପୂର୍ବତନ ଅଧ୍ୟକ୍ଷ ଶିବରାମ ଗୌଡ଼, ସାଂସଦ ବ୍ୟକ୍ତିଗତ ପ୍ରତିନିଧି ନୀଳମଣି ପଟ୍ଟନାୟକ, ହିଞ୍ଜିଳି ବ୍ଲକ ସଭାପତି ସୁରେନ୍ଦ୍ର ନାଥ ପ୍ରଧାନ ପ୍ରମୁଖ ବୃକ୍ଷ ରୋପଣରେ ଅଂଶ ଗ୍ରହଣ କରିଥିଲେ । ଉକ୍ତ କାର୍ଯ୍ୟକ୍ରମ ହିଞ୍ଜିଳି ପୌରପରିଷଦ ଦ୍ୱାରା ପରିଚାଳିତ ହୋଇଥିଲା । ଏହି କାର୍ଯ୍ୟକ୍ରମରେ ହିଞ୍ଜିଳି ଅଞ୍ଚଳର ବହୁ ବୁଦ୍ଧିଜୀବୀ ଏବଂ ବ୍ୟକ୍ତି ବିଶେଷ ଯୋଗ ଦେଇଥିଲେ ।
( ରିପୋର୍ଟ- ସାନ୍ତନୁ କୁମାର ବେହେରା) ।