ବେଲଗୁଣ୍ଠା,୨୮/୧୧(ପିପିଟି):ବେଲଗୁଣ୍ଠା ଥାନା ଅନ୍ତର୍ଗତ ଜିଲିବା ନିକଟରେ ଧାନମଳା ମେସିନ୍ ଲାଗିଥିବା ଏକ ଟ୍ରାକ୍ଟର୍ କୁ ଏକ ହାଇୱା ଧକ୍କା ଦେବା ଫଳରେ ଟ୍ରାକ୍ଟରର ଇଞ୍ଜିନ୍ ଦୁଇଫାଳ ହୋଇଯାଇଛି । ସୂଚନା ପ୍ରକାରେ ଜିଲିବା ଗ୍ରାମର ନିରଞ୍ଜନ ବିଷୋୟୀଙ୍କ ଧାନମଳା ମେସିନ୍ OD32A6559 ନମ୍ବର ବିଶିଷ୍ଟ ଟ୍ରାକ୍ଟର୍ ଯୋଗେ ବିଲକୁ ଧାନ ମଳିବା ପାଇଁ ଯାଉଥିଲା । ଏହି ସମୟରେ ବାଲିପଦର ପଟୁ ଗୋଡ଼ି ବୋଝେଇ ହୋଇ ରାଇକିଆ ଯାଉଥିବା OD32F3515 ନମ୍ବର ବିଶିଷ୍ଟ ହାଇୱା ପଛପଟୁ ଟ୍ରାକ୍ଟରରେ ଧକ୍କା ଦେଇଥିଲା । ହାଇୱା ମାଡ଼ରେ ଟ୍ରାକ୍ଟରଟିର ଇଞ୍ଜନ୍ ଦୁଇଫାଳ ହୋଇଯିବା ସହିତ ଟ୍ରାକ୍ଟର୍ ଚାଳକ ସାମାନ୍ୟ ଆହତ ହୋଇଛନ୍ତି । ଖବର ପାଇ ବେଲଗୁଣ୍ଠା ପୋଲିସ୍ ଘଟଣା ସ୍ଥଳରେ ପହଞ୍ଚି ଉଭୟ ଗାଡ଼ିକୁ ଜବତ କରି ଘଟଣାର ତଦନ୍ତ ଚଳାଇଛନ୍ତି ।
ରିପୋର୍ଟ୍ -ସୁଶାନ୍ତ କୁମାର ବେହେରା