ସୁବର୍ଣ୍ଣପୁର ,୨୭/୦୮(ପିପିଟି):ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଳକ କୋଟସମଲାଇ ଠାରେ ରଘୁନାଥ ଯୁବକ ସଂଘ ଆନୁକୂଲ୍ୟରେ ହେବାକୁ ଥିବା ଦୁର୍ଗାପୂଜା ସୁବର୍ଣ୍ଣ ଜୟନ୍ତି ପାଇଁ ପବିତ୍ର ନନ୍ଦୋତ୍ସବ ତିଥି ଅବସରରେ ଆଜି ମୃତ୍ତିକା ପୂଜନ ଓ ସଂଗ୍ରହ କରାଯାଇଛି। ପାତାଳୀ ଶ୍ରୀକ୍ଷେତ୍ର ନିକଟବର୍ତ୍ତୀ ମୂର୍ତ୍ତି ନିର୍ମାଣ ପାଇଁ ପବିତ୍ର ମୃତ୍ତିକା ପୂଜନ କରିବା ସହ ମୂର୍ତ୍ତି ତିଆରି ପାଇଁ ମୃତ୍ତିକା ସଂଗ୍ରହ କରାଯାଇଛି।ମାଟି କଳସରେ ମାଟି ଆଣି ଯୁବକ ସଂଘ ପୂଜା ମଣ୍ଡପରେ ସ୍ଥାପନ କରାଯାଇଛି। ଏଥିରେ ଯଜ୍ଞାଚାର୍ଯ୍ୟ ପଣ୍ଡିତ ଦେବାର୍ଚ୍ଚନ ଦାଶ କାର୍ଯ୍ୟ ସମ୍ପାଦନ କରିଥିବା ବେଳେ କର୍ତ୍ତା ଭାବରେ ବୀରମିତ୍ର ପଧାନ ଓ ହର ପ୍ରସାଦ କର୍ମୀ କାର୍ଯ୍ୟ ସମ୍ପାଦନ କରିଥିଲେ।ଏହି କାର୍ଯ୍ୟକ୍ରମ ରେ ନିର୍ମାଣ କମିଟି ମୁଖ୍ୟ ଜଗଦିଶ ବସ୍ତିଆ,ପ୍ରସାଦ କମିଟି ମୁଖ୍ୟ ସୁବାଷ ବନଛୋର, ସାଂସ୍କୃତିକ କାର୍ଯ୍ୟକ୍ରମ କମିଟି ସଦସ୍ୟ ରବିନାରାୟଣ ସାହୁ, କମଳାକାନ୍ତ ବାଘ, ୱାର୍ଡ ମେମ୍ବର ଅନିରୁଦ୍ଧ ଗଡୁଆ,ନାଟ୍ୟ ନିର୍ଦ୍ଦେଶକ ତଥା ଉପଦେଷ୍ଟା ମନୋରଞ୍ଜନ ପାଢୀ, ସୁବର୍ଣ୍ଣ ଜୟନ୍ତି ସମାରୋହ କାର୍ଯ୍ୟକ୍ରମ ସଭାପତି ପୂର୍ଣ୍ଣଚନ୍ଦ୍ର ପାଢୀ ସମେତ ପୂଜା ଓ ନିର୍ମାଣ କମିଟି ର ବହୁ ସଦସ୍ୟ ତଥା ରଘୁନାଥ ଯୁବକ ସଂଘ ସମସ୍ତ ସଦସ୍ୟ ଉପସ୍ଥିତ ରହି ସହଯୋଗ କରିଥିଲେ।
ରିପୋର୍ଟ -ଶାନ୍ତନୁ କୁମାର କର୍ଣ୍ଣ