ବାଙ୍ଗିରିପୋଷି,୧୪/୧୧:ସାମାନ୍ୟ ଟଙ୍କା ପାଇଁ ସ୍ତ୍ରୀ କୁ ମାରିଲା ସ୍ବାମୀ। କୁରାଢି ରେ ନିର୍ଘାତ ପିଟିବାରୁ ଘଟଣା ସ୍ଥଳରେ ମୃତ୍ୟୁ । ଘଟଣା ଘଟିଛି ମୟୂରଭଞ୍ଜ ଜିଲ୍ଲା ବାଙ୍ଗିରିପୋଷି ଥାନା ଅନ୍ତର୍ଗତ ବ୍ରାହ୍ମଣଗାଁ ପଞ୍ଚାୟତର କଦମଡିହା ଗ୍ରାମ ନିକଟରେ । ମୃତକ ସ୍ତ୍ରୀ ହେଉଛନ୍ତି ଶାଳଘାଟି ଗ୍ରାମର କୌଶଲ୍ୟା ଦେହୁରୀ (୩୫) ଏବଂ ହତ୍ୟାକାରୀ ସ୍ବାମୀ ହେଉଛନ୍ତି ପଦନ ଦେହୁରୀ (୪୫) । ଉଭୟ କୌଣସୀ କାର୍ଯ୍ଯ ନେଇ ନିକଟସ୍ଥ ଗ୍ରାମ କଦମଡିହା ଗ୍ରାମକୁ ଯାଇଥିବା ବେଳେ ସାମାନ୍ୟ କିଛି ଟଙ୍କା ପାଇଁ ଦୁଇ ଜଣଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା। ଏଥିରେ ଉତକ୍ଷିପ୍ତ ହୋଇ ପଦନ ଧରିଥିବା ଏକ କୁରାଢିରେ କୌଶଲ୍ୟାକୁ ନିର୍ଘାତ ପରିବାରୁ ଘଟଣା ସ୍ଥଳରେ ହିଁ ସେ ଟଳି ପଡ଼ିଥିଲେ। ସ୍ତ୍ରୀ ର ମୃତ୍ୟୁ ପରେ ସେ ଘଟଣା ସ୍ଥଳରେ ବସି ରହିଥିବା ବେଳେ ସ୍ଥାନୀୟ ଗ୍ରାମବାସୀ ତାଙ୍କୁ ଅଟକ ରଖି ପୁଲିସକୁ ଖବର ଦେଇଥିଲେ। ସେଠାରେ ବାଙ୍ଗିରିପୋଷି ପୁଲିସ ପହଞ୍ଚି ହତ୍ୟାକାରୀ ସ୍ବାମୀକୁ ଗିରଫ କରିବା ସହ ତଦନ୍ତ ଜାରି ରଖିଛି।