ବୋଲଗଡ, ୦୩/୦୧(ପିପିଟି):ସମାଜସେବା ଓ ଲୋକସେବା ଉଲ୍ଲେଖନୀୟ ସଫଳତା ପାଇଁ ଖୋର୍ଦ୍ଧା ଜିଲ୍ଲା ବୋଲଗଡ ବ୍ଲକ ଗୋପାଳପୁର ଗ୍ରାମପଞ୍ଚାୟତର ସରପଞ୍ଚ ପ୍ରଦୀପ କୁମାର ବାରିକ ପୁରୀଟାଉନ ହଲ ଠାରେ ଆୟୋଜିତ ସ୍ୱତନ୍ତ୍ର ସମାରୋହରେ ଅତିଥିମାନେ ଡ଼କ୍ଟରେଟ ସଂମ୍ମାନରେ ସଂମ୍ମାନିତ କରିଛନ୍ତି । ୱାଲଡସ ଚାରିଟି ୱେଲ ଫେୟାର ଫାଉଣ୍ଡେସନ ତରଫରୁ ଆମେରିକାନ କାଉନସିଲର ପ୍ରଚେଷ୍ଟାରେ ବିଭିନ୍ନ କ୍ଷେତ୍ରରେ ପ୍ରତିଭାବାନ ତଥା ପାରଦର୍ଶିତା ହାସଲ କରିଥିବା ଅନେକ ବ୍ୟକ୍ତିବିଶେଷଙ୍କୁ ପ୍ରମାଣ ପତ୍ର ସହିତ ଡ଼କ୍ଟରେଟ ଉପାଧିରେ ସଂମ୍ମାନିତ ହୋଇଛନ୍ତି । ଗୋପାଳପୁର ସରପଞ୍ଚ ଆଗରୁ ସମାଜସେବା, ଲୋକସେବା କରି ଆଗରୁ ୧ନମ୍ବର ସରପଞ୍ଚ ଭାବରେ ରାଜ୍ୟ ସରକାର ପୁରସ୍କୃତ ହେବା ସହିତ କେନ୍ଦ୍ର ସରକାରଙ୍କ ସର୍ବଭାରତୀୟ ସରପଞ୍ଚ ସମ୍ମିଳନୀରେ ପ୍ରଦୀପଙ୍କ ସେବା ଉପରେ ଏକ ସ୍ୱତନ୍ତ୍ର ଭିଡ଼ିଓ କ୍ଲିପ କରାଯାଇ ସେଠାରେ ଉପସ୍ଥାପନା କରାଯାଇଥିଲା । ତତସହିତ ତାଙ୍କୁ ବୋଲଗଡ ବ୍ଲକ ମହୋତ୍ସବରେ ତାଙ୍କୁ ବୋଲଗଡ ସଂମାନରେ ସଂମ୍ମାନିତ କରାଯାଇଛି । ସରପଞ୍ଚ ଶ୍ରୀ ବାରିକଙ୍କୁ ଅଞ୍ଚଳବାସୀ ପ୍ରଶଂସା କରିଛନ୍ତି । ବୋଲଗଡ ବିଡ଼ିଓ ଶରତ କୁମାର ମଲ୍ଲିକ ବାରିକଙ୍କୁ ଫୁଲତୋଡ଼ା ଦେଇ ସ୍ୱାଗତ ଅଭିନନ୍ଦନ ଜଣାଇଛନ୍ତି ।
(ରିପୋର୍ଟ-ସୁଶାନ୍ତ କମାର ପ୍ରଧାନ।)