କୋଦଳା,୦୪/୧୨(ପିପିଟି):ରବିବାର କୋଦଳା ବିଜେ ବାବା ଶ୍ରୀ ଦଣ୍ଡିଶ୍ୱର ମହାଦେବଙ୍କ ପ୍ରାଙ୍ଗଣ ରେ ଲକ୍ଷ୍ମୀ ନାରାୟଣ (ସତ୍ୟବାନ ସାବିତ୍ରୀ )ମନ୍ଦିର ପ୍ରତିଷ୍ଠା ଉତ୍ସବ ମହା ଆଡମ୍ବର ସହିତ ଅନୁଷ୍ଠିତ ହୋଇଯାଇଛି । ବେଢା ମଧ୍ୟରେ ସୁସଜ୍ଜିତ, ସୁନ୍ଦର ଭାବେ ଶୋଭା ପାଉଥିବା ମନ୍ଦିର ଅଞ୍ଚଳର ବିଦ୍ୱାନ ବ୍ରାହ୍ମଣଙ୍କ ଦ୍ୱାରା ପ୍ରତିଷ୍ଠିତ ହୋଇଛି । ମନ୍ଦିର ମଧ୍ୟରେ ବହୁ ପାର୍ଶ୍ଵ ଦେବତା ଥିଲେ ସୁଦ୍ଧା ସତ୍ୟବାନ ସାବିତ୍ରୀ ପୂଜା ନିମନ୍ତେ ମନ୍ଦିର ଟିଏ ନଥିଲା । ସତ୍ୟବାନ ସାବିତ୍ରୀଙ୍କୁ ଅସ୍ଥାୟୀ ଭାବେ ପୂଜା କରାଯାଉଥିଲା । ଏହାକୁ ଦୃଷ୍ଟିରେ ରଖି ଦାତାଙ୍କ ଅନୁଦାନ କ୍ରମେ ଉକ୍ତ ମନ୍ଦିର ଟି ଗଢିଉଠିଲା । କିନ୍ତୁ ବ୍ରାହ୍ମଣଙ୍କ କଥା ଅନୁଯାଇ ସତ୍ୟବାନ ସାବିତ୍ରୀଙ୍କ ପୂଜା ଲକ୍ଷ୍ମୀ ନାରାୟଣଙ୍କୁ ନେଇ ହୋଇଥିବାରୁ ଏଠାରେ ଲକ୍ଷ୍ମୀ ନାରାୟଣଙ୍କ ସହିତ ସତ୍ୟବାନ ସାବିତ୍ରୀଙ୍କୁ ଜୀବନ୍ୟାସ ଦିଆଯାଇଥିଲା । ରବିବାର ପ୍ରାତଃରୁ ମନ୍ଦିର ପ୍ରଶାସନ ସଭାପତି ସୂର୍ଯ୍ୟ ନାରାୟଣ ବଡୁଙ୍କ ତତ୍ୱାବଧାନ ରେ ଦଣ୍ଡିଶ୍ଵର ମହାଦେବଙ୍କ ପୁରୋହିତ ପୂର୍ଣ୍ଣ ଚନ୍ଦ୍ର ଶତପଥୀଙ୍କ ସମେତ ଯୁବ ଦକ୍ଷତା ସମ୍ପନ୍ନ ଜଣାଶୁଣା ପୁରୋହିତ ସପନ କୁମାର ଶତପଥୀ,ବିଦ୍ୟା ଭୂଷଣ ଆଚାର୍ଯ୍ୟ, ନିରଞ୍ଜନ ରଥ, ନାଗଭୂଷଣ ପତି,କାଳିଆ ମିଶ୍ର, ବାପ ଦାଶ, ଖଲି ମିଶ୍ର,ଶ୍ରୀକାନ୍ତ ପାଢ଼ୀ,ଦୁର୍ଗା ମାଧବ ଦାଶ,ନୃସିଂହ ପ୍ରସାଦ ଦାଶ, ଅମିତ କୁମାର ଦାଶ, ଭୋଳା ଶଙ୍କର ଦାଶ,ମଣ୍ଟୁ ଦାଶ,ପ୍ରମୁଖଙ୍କ ବେଦ ଧ୍ୱନିରେ ସମସ୍ତ ହୋମ ପୂଜା କାର୍ଯ୍ୟ ସମାପନ ହୋଇଥିଲା । ସନ୍ଧ୍ୟା ୭ ଘଣ୍ଟ ସମୟ ରେ ମନ୍ଦିର ଶିଖର ରେ ନୀଳଚକ୍ର ସ୍ଥାପନ କରାଯାଇ ମହାପ୍ରଭୁଙ୍କୁ ସିଂହାସନ ଆରୋହଣ କରାଯାଇଥିଲା । ହୋମ ସମୟରେ କବିସୂର୍ଯ୍ୟନଗର ବିଧାୟିକା ଲତିକା ପ୍ରଧାନ ଯୋଗଦାନ କରି ଅଞ୍ଚଳ ବାସୀଙ୍କ ମଙ୍ଗଳ ପାଇଁ ମହାପ୍ରଭୁଙ୍କ ପ୍ରାର୍ଥନା କରି ଲକ୍ଷ୍ମୀ ନାରାୟଣଙ୍କ ଆଶୀର୍ବାଦ ଭିକ୍ଷ୍ୟା କରିଥିଲେ ।ଦିନସାରା ମନ୍ଦିର ପରିସରରେ ଆଧ୍ୟାତ୍ମିକ ପରିବେଶ ଶୃଷ୍ଟି ହୋଇଥିବା ବେଳେ, ସନ୍ଧ୍ୟାରେ ଅନ୍ନ ପ୍ରସାଦ ର ବ୍ୟବସ୍ଥା କରାଯାଇଥିଲା । କାର୍ଯ୍ୟକ୍ରମ ରେ ମନ୍ଦିର ପ୍ରଶାସନର କୋଷାଧକ୍ଷ ବାବୁଲା ପାଢ଼ୀ,ସମ୍ପାଦକ ଭାଗିରଥି ନାୟକ, ପିତାମ୍ବର ନାୟକ, ବାବିନା ମହାପାତ୍ର, ଜାଗି ମହାପାତ୍ର, ଯୁଗଳ ବଡୁଙ୍କ ସମେତ ଅଞ୍ଚଳବାସୀ ଉପସ୍ଥିତ ଥିଲେ ।
(ରିପୋର୍ଟ- ସୂର୍ଯ୍ୟ ନାରାୟଣ ବଡୁ )