ଭଞ୍ଜନଗର, ୧୪/୧୧(ପିପିଟି) : ବେଲଗୁଣ୍ଠା ବ୍ଲକ ଵାଣତୁମ୍ବୁ ଠାରେ ରୋଟାରୀ କ୍ଳବ ଭଞ୍ଜନଗର ତରଫରୁ ସଭାପତି ବସନ୍ତ କୁମାର ପାତ୍ରଙ୍କ ସଭାପତିତ୍ୱରେ ଶିଶୁ ଉତ୍ସବ ପାଳନ କରାଯାଇଛି ।ଏଥିରେ ଅନ୍ୟ ମାନଙ୍କ ମଧ୍ୟରେ ରୋଟାରୀଆନ ସନ୍ତୋଷ ଜେନା, ରବୀନ୍ଦ୍ର ପାଣିଗ୍ରାହୀ, ରଂଜିତ କୁମାର ବାରିକ, ସୁଧୀର କୁମାର ପାଣିଗ୍ରାହୀ, ରାମଚନ୍ଦ୍ର ମିଶ୍ର, ମହେନ୍ଦ୍ର କୁମାର ମହାରଣା, ଦିଲ୍ଲୀପ ରାଜୁ, ପବିତ୍ର ମୋହନ ପ୍ରଧାନ ଉପସ୍ଥିତ ରହି ଶିଶୁ ଦିବସର ମହତ୍ତ୍ୱ, ଜବାହରଲାଲ ନେହୁରୁଙ୍କ ଜୀବନୀ, ଶିଶୁ ହସିଲେ, ଦୁନିଆ ହସେ ଉପରେ ନିଜ ନିଜ ବକ୍ତବ୍ୟ ରଖିଥିଲେ । କାର୍ଯ୍ୟକ୍ରମ ପ୍ରାରମ୍ଭରେ ସଭାପତି ଶ୍ରୀ ପାତ୍ର ପ୍ରଦୀପ ପ୍ରଜ୍ବଳନ କରି କାର୍ଯ୍ୟକ୍ରମର ଶୁଭାରମ୍ଭ କରିଥିବା ବେଳେ ଛାତ୍ର ଛାତ୍ରୀ ପ୍ରାରମ୍ଭିକ ଗାନ କରିଥିଲେ । ପ୍ରଧାନଶିକ୍ଷୟିତ୍ରୀ ସ୍ୱାଗତ ଭାଷଣ ଦେଇଥିଲେ । ଅତିଥିମାନଙ୍କ ଦ୍ୱାରା ପ୍ରଶ୍ନ ଉତ୍ତର କାର୍ଯ୍ୟକ୍ରମ କରାଯାଇ ସଠିକ ଉତ୍ତର ଦାତା ଛାତ୍ରଛାତ୍ରୀଙ୍କୁ ପୁରସ୍କୃତ କରାଯାଇଥିଲା । ପ୍ରତ୍ୟେକ ଛାତ୍ରଛାତ୍ରୀଙ୍କୁ କ୍ଳବ ତରଫରୁ ଖାତା, ପେନ, କମ୍ପାସ ବକ୍ସ, ବିସ୍କୁଟ ଓ ଲଡ଼ୁ ପ୍ରଦାନ କରାଯାଇଥିଲା l କାର୍ଯ୍ୟକ୍ରମରେ ଗ୍ରାମର ଉତ୍ସlହି ଯୁବକ, ବୁଦ୍ଧିଜୀବି ଓ ଅଭିଭାବକ ଯୋଗଦେଇ ଛାତ୍ରଛାତ୍ରୀ ମାନଙ୍କୁ ଉତ୍ସlହିତ କରିଥିଲେ । ଶେଷରେ ବିଦ୍ୟାଳୟର ସହକାରୀ ଶିକ୍ଷୟିତ୍ରୀ ଧନ୍ୟବାଦ ଅର୍ପଣ କରିଥିଲେ ।
ରିପୋର୍ଟ- (ଜେ. କେ ପଟ୍ଟନାୟକ)