କୋଦଳା,୧୦/୧୧(ପିପିଟି): କୋଦଳା ଜଗନ୍ନାଥ ମନ୍ଦିର ପରିସରରେ ବହୁ ପ୍ରତିକ୍ଷିତ ତଥା ନୂତନ ମହାଲକ୍ଷ୍ମୀ ମନ୍ଦିର ର ପ୍ରତିଷ୍ଠା ଉତ୍ସବ ପାଳନ ଓ ମହାଯଜ୍ଞ ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଦୀର୍ଘ ବର୍ଷ ଧରି ଉତ୍ସାହି ଦାତାଙ୍କ ଆର୍ଥିକ ସହାୟତା ରେ ନିର୍ମାଣ ଧୀନ ମହାଲକ୍ଷ୍ମୀ ମନ୍ଦିର ଶେଷ ପର୍ଯ୍ୟାୟରେ ପହଞ୍ଚିଥିବା ବେଳେ ମନ୍ଦିର ରତ୍ନମୁଦ ଓ ପ୍ରାସାଦ ପ୍ରତିଷ୍ଠା କାର୍ଯ୍ୟ ସମାପନ କରାଯିବ ।ଉତ୍ତମ ପୂଜା ପଦ୍ଧତି ସହିତ ଏକ ବିରାଟ ଯଜ୍ଞ ର ଆୟୋଜନ କରାଯିବା ପାଇଁ ନିଷ୍ପତ୍ତି ନିଆଯାଇଥିଲା । ପ୍ରାରମ୍ଭିକ ପର୍ଯ୍ୟାୟରେ ମନ୍ଦିର ର ବାର୍ଷିକ ଭୋଗ, ନୀତିକାନ୍ତି ନିମନ୍ତେ ଏକ ପରିଚାଳନା କମିଟି ସ୍ଥିର କରାଯାଇଥିଲା । ଉକ୍ତ କମିଟି ମନ୍ଦିର ସୁରକ୍ଷା ତଥା ମା ଙ୍କ ଭୋଗ ନିମନ୍ତେ ନିର୍ଦ୍ଧାରିତ ହୋଇଥିବା ୩୬୫ ସଦସ୍ୟଙ୍କ ଜଣଙ୍କ ଠାରୁ ୫୫୫୫/- ଟଙ୍କା ଆଦାୟ କରିବାକୁ ଦାୟିତ୍ୱ ପ୍ରଦାନ କରାଯାଇଥିଲା ।ପର୍ଯ୍ୟାୟ କ୍ରମେ ଯଜ୍ଞ ନିମିତ୍ତ ବହୁ ଗୁରୁତ୍ୱପୁର୍ଣ ପରିଚାଳନା କମିଟି ଗଠନ କରାଯାଇ ଯଜ୍ଞର ତିଥି ନିର୍ଘଣ୍ଟ କରାଯିବ ବୋଲି ଆଲୋଚନା ହୋଇଥିଲା ।
(ରିପୋର୍ଟ- ସୂର୍ଯ୍ୟନାରାୟଣ ବଡୁ ।)