ବୋଲଗଡ଼,୨୭/୧୦(ପିପିଟି):ଭାରତୀୟ ଜନତା ପାର୍ଟି ବେଗୁନିଆ ନିର୍ବାଚନ ମଣ୍ଡଳୀ ପକ୍ଷରୁ ସଦସ୍ୟତା ଅଭିଯାନ-୨୦୨୪ ନନ୍ଦିଘୋଷ ଭବନ ଠାରେ ଅନୁଷ୍ଠିତ ହୋଇଯାଇଛି।ଆୟୋଜିତ ସଦସ୍ୟତା ସଭାରେ ସାଂସଦ ଅପରାଜିତା ଷଡଙ୍ଗୀଙ୍କ ବୋଲଗଡ଼ ବ୍ଲକ ପ୍ରତିନିଧି ତଥା ବିଜେପି ଯୁବ ନେତା ରବୀନ୍ଦ୍ର ନାଥ ସୁବୁଦ୍ଧି ସଭାପତିତ୍ୱ କରିଥିଲେ।ଏଥିରେ ମୁଖ୍ୟ ଅତିଥି ଭାବେ ସାଂସଦ ଶ୍ରୀମତୀ ଅପରାଜିତା ଷଡଙ୍ଗୀ ଯୋଗଦେଇ ଭାଜପା ପକ୍ଷରୁ ଦେଶରେ ଚାଲୁ ରହିଥିବା ସଦସ୍ୟତା ସମ୍ପର୍କରେ ଆଲୋକପାତକରିଥିଲେ। ଜସ୍ବସୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦେଶରେ ଜାରି ରହିଥିବା ଜନ ହିତକର କାର୍ଯ୍ୟର ଭୁଇଅଶୀ ପ୍ରସଂଶାକୁ ସାଧାରଣରେ ବାଣ୍ଟିଥିଲେ।ସେହିପରି ଦେଶର ଜନହିତକର କାର୍ଯ୍ୟରେ ପ୍ରତିବନ୍ଧକ ସୃଷ୍ଟି କରୁଥିବା ବିରୋଧୀଙ୍କୁ ସାଂସଦ ଶ୍ରୀମତୀ ଷଡଙ୍ଗୀ କଟୁ ସମାଲୋଚନା କରିଥିଲେ। ସେହିପରି ମୁଖ୍ୟବକ୍ତା ଭାବେ ଖୋର୍ଦ୍ଧା ବିଧାୟକ ପ୍ରଶାନ୍ତ ଜଗଦ୍ଦେବ ଯୋଗେଦେଇ ଦେଶ ଓ ରାଜ୍ୟରେ ଡବଲ ଇଞ୍ଜିନ ସରକାର ଓ ଭାଜପାର ସଦସ୍ୟତା ସମ୍ପର୍କରେ ସୂଚନା ଦେଇଥିଲେ।ସଂମ୍ମାନୀତ ଅତିଥି ଭାବେ ଖୋର୍ଦ୍ଧା ଜିଲ୍ଲା ସଦସ୍ୟତାସଂଯୋଜକ ସରୋଜ କୁମାର କର, ଜିଲ୍ଲା ଭାଜପା ସଭାପତି ରଶ୍ମି ରଞ୍ଜନ ମହାପାତ୍ର,ବିଜେପି ବିଧାୟକ ପ୍ରାର୍ଥୀ ପ୍ରକାଶ ବିଜୁଳି,ଜିଲ୍ଲା ପରିଷଦ ସଭ୍ୟ ଅନାଦି ସାହୁ,ଅଶୋକ ରାଉତ, ଓ ସୁଦର୍ଶନ ଜେନା ପ୍ରମୁଖ ଯୋଗଦେଇ ସଦସ୍ୟତା ସମ୍ପର୍କରେ ବିଶଦ ବିବରଣୀ ବୁଥ ସ୍ତରୀୟ ତଥା ତୃଣମୂଳ କର୍ମୀ ମାନଙ୍କୁ ବୁଝାଇଥିଲେ।ଜସ୍ବସୀ ମୋଦିଜୀଙ୍କ ନୀତି ଓ ଆଦର୍ଶରେ ଅନୁପ୍ରାଣିତ ହୋଇ ବିଜେଡି ଛାମୁଆ ନେତା ତଥା ପୂର୍ବତନ ବ୍ଲକ ଉପାଧକ୍ଷ ଦୁର୍ଯ୍ୟୋଧନ ସ୍ୱାଇଁ ମଞ୍ଚରେ ଟୋପି ଓ ଉତ୍ତରୀୟ ପରିଧାନ କରି ବିଜେପିରେ ସାମିଲ ହୋଇଥିଲେ।
(ରିପୋର୍ଟ-ସୁଶାନ୍ତ କୁମାର ପ୍ରଧାନ।)