ବ୍ରହ୍ମପୁର, ୧୧/୧୨(ପିପିଟି): ବ୍ରହ୍ମାକୁମାରୀସ୍ ଗିରିରୋଡ ବ୍ରହ୍ମପୁର ତରଫରୁ ରାମଚନ୍ଦ୍ରପୁର ସ୍ଥିତ ପ୍ରଭୁ ଉପହାର ରିଟ୍ରିଟ ସେଣ୍ଟର ଠାରେ ସୋମବାର ପୂର୍ବାହ୍ନ ରେ ସାମ୍ବାଦିକ ମାନଙ୍କ ସକାଶେ ଏକ ଆଲୋଚନାଚକ୍ର ଆୟୋଜିତ ହୋଇଯାଇଛି ।’ସମାଧାନ ମୂଳକ ସାମ୍ବାଦିକତା ଦ୍ବାରା ସମୃଦ୍ଧ ଭାରତ ନିର୍ମାଣ ‘ ଶୀର୍ଷକ ଉପରେ ଆଧାରିତ ସର୍ବଭାରତୀୟ ଅଭିଯାନର ଏହା ଏକ ଅଂଶ ବିଶେଷ । ଆଜିର ଏହି କାର୍ଯ୍ୟକ୍ରମରେ ମୂଖ୍ୟ ଅତିଥି ବ୍ରହ୍ମପୁର ବିଧାୟକ ବିକ୍ରମ କୁମାର ପଣ୍ଡା, ସମ୍ମାନୀତ ଅତିଥି ଭାବରେ ବ୍ରହ୍ମପୁର ମେୟର ସଙ୍ଘମିତ୍ରା ଦଳାଇ,ଦୈନିକ ଆଶା ସମ୍ପାଦକ ପ୍ରମୋଦ କୁମାର ପଣ୍ଡା, ନବୀନ ସମ୍ପାଦକ ରବି ରଥ ଯୋଗ ଦେଇଥିବା ବେଳେ ,ମୂଖ୍ୟବକ୍ତାଭାବେ ଈଶ୍ବରୀୟ ବିଶ୍ବବିଦ୍ୟାଳୟର ରାଷ୍ଟ୍ରୀୟ ମିଡିଆ ସଂଯୋଜକ ବି.କେ ସୁଶାନ୍ତ ଯୋଗ ଦେଇଥିଲେ। ବ୍ରହ୍ମାକୁମାରୀସ୍ ସବଜୋନ ମୁଖ୍ୟ ସଂଚାଳିକା ରାଜଯୋଗିନୀ ବ୍ରହ୍ମାକୁମାରୀ ମଞ୍ଜୁ ସଭା ପରିଚାଳନା କରିଥିଲେ ।ପ୍ରଭୁ ଉପହାର ରିଟ୍ରିଟ୍ ସେଣ୍ଟର ର ରାଜଯୋଗିନୀ ଭଗିନୀ ମାଳା ସ୍ବାଗତ ସମ୍ଭାଷଣ ଓ ଅତିଥି ପରିଚୟ ପ୍ରଦାନ କରିଥିବା ବେଳେ ପରିଶେଷରେ ବରିଷ୍ଠ ସାମ୍ବାଦିକ ଅନୀଲ କୁମାର ପାଢ଼ୀ ଧନ୍ଯବାଦ ଅର୍ପଣ କରିଥିଲେ ।