ବୋଲଗଡ଼,୧୮/୦୯(ପିପିଟି) : ବୋଲଗଡ଼ ପ୍ରେସ କ୍ଲବ ତରଫରୁ ବୋଲଗଡ଼ସ୍ଥିତ ନନ୍ଦିଘୋଷ ଭବନ ପରିସରରେ ସପ୍ତମ ବାର୍ଷିକ ପ୍ରତିଷ୍ଠା ଉତ୍ସବ ଅନୁଷ୍ଠିତ ହୋଇଯାଇଛି। ସଭାର ପ୍ରାମ୍ଭରରେ ସଭାପତି ପ୍ରସନ୍ନ କୁମାର ସ୍ୱାଇଁଙ୍କ ସମେତ ସମସ୍ତ ସାମ୍ବାଦିକ ନିମନ୍ତ୍ରିତ ଓ ଅତିଥି ମାନେ ଗୋପବନ୍ଧୁ ପ୍ରତିମୃତି ରେ ପୁଷ୍ପ ଗୁଛ ଓ ପୁଷ୍ପ ମାଳ ଅର୍ପଣ କରି ନନ୍ଦିଘୋଷ ଭବନ ଯାଏଁ ପଦଯାତ୍ରା କରି ଆସି ନଦ୍ଦିଘୋଷ ଭବନରେ ପହଂଚି ଥିଲ। ଜଗତର ନାଥ ଜଗନ୍ନାଥଙ୍କ ନିକଟରେ ଦୀପ ପ୍ରଜ୍ବଳନ କରି ସଭା କାର୍ଯ୍ୟ ଆରମ୍ଭ କରିଥିଲେ । ଏହି ଅବସରରେ ଅଞ୍ଚଳର ବହୁ କୃତି ଏବଂ ବିଭିନ୍ନ କ୍ଷେତ୍ରରେ ସଫଳତା ଅର୍ଜନ କରିଥିବା ବେକ୍ତିତ୍ୱଙ୍କୁ ସମ୍ବର୍ଦ୍ଧନା କରିବା ସହିତ ପରିବର୍ତ୍ତିତ ପରିସ୍ଥିତିରେ ଚାପମୁକ୍ତ ସାମ୍ବାଦିକତା ଶୀର୍ଷକ ଆଲୋଚନା ଚକ୍ର ଅନୁଷ୍ଠିତ ହୋଇଥିଲା। ଏହି କାର୍ଯ୍ୟକ୍ରମରେ ଓଡିଶା ସାମାଜିକ ନିରାପତ୍ତା ବିଭାଗର ଅଶୋକ ଚନ୍ଦ୍ର ପଣ୍ଡା, ବେଗୁନିଆ ବୋଲଗଡ଼ ବିଧାୟକ ରାଜେନ୍ଦ୍ର କୁମାର ସାହୁ, ଜିଲ୍ଲାପରିଷଦ ସୁବାଷ ଚନ୍ଦ୍ର ରାୟଗୁରୁ, ଓଡ଼ିଶା ରାଷ୍ଟ୍ରୀୟ ଉପସଭାପତି ବିଭୁତି ଭୁଷଣ କର, ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ଜିତେନ୍ଦ୍ରେ ଜେନା, ବୋଲଗଡ଼ ବ୍ଲକ ଅଧ୍ୟକ୍ଷା ହୁଲାସ ପ୍ରଧାନ, ତହସିଲଦାର ସନ୍ତୋଷିନୀ ଦାଶ୍, ମଣ୍ଡଳ ଉନ୍ନୟନ ଅଧିକାରୀ ଧୋବେଇ ଚରଣ ନାୟକ, ମୁଖ୍ୟ ଗୋଷ୍ଠୀ ଚିକିତ୍ସା ଅଧିକାରୀ ଚିତ୍ତରଂଜନ ଦାସ ଏବଂ ବହୁମାନ୍ୟଗଣ୍ୟ ଅତିଥି ପ୍ରମୁଖ ଯୋଗ ଦେଇଥିଲେ।
(ରିପୋର୍ଟ -ସୁଶାନ୍ତ କୁମାର ପ୍ରଧାନ )