ବୋଲଗଡ,୨୬/୧(ପିପିଟି) :ବୋଲଗଡ ବ୍ଲକର ବିଭିନ୍ନ ଅଞ୍ଚଳରେ ଆଜି ୭୫ତମ ସାଧାରଣ ତନ୍ତ୍ର ଦିବସ ପାଳିତ ହୋଇଯାଇଛି l ପ୍ରତ୍ୟେକ ଶିକ୍ଷାନୁଷ୍ଠାନ, ସରକାରୀ କାର୍ଯ୍ୟାଳୟ, ବେସରକାରୀ ଅନୁଷ୍ଠାନ ସ୍ତରରେ ଆଜି ୭୫ ତମ ସାଧାରଣ ତନ୍ତ୍ର ସାରା ଭାରତ ବର୍ଷରେ ମହା ଆନନ୍ଦ ସହକାରେ ପାଳିତ ହୋଇଯାଇଛି l ସେହିଭଳି ଭାବରେ ବୋଲଗଡର ସାନପଦର ଗ୍ରାମପଞ୍ଚାୟତରେ ସରପଞ୍ଚ ବୈକୁଣ୍ଠ ଚରଣ ସ୍ୱାଇଁ ଆଜି ସମସ୍ତ ୱାର୍ଡସଭ୍ୟ ଓ ସଭ୍ୟା ମାନଙ୍କ ସହିତ ନିଜ ପଞ୍ଚାୟତର ଜନସାଧାରଣମାନଙ୍କୁ ଡାକି ପଞ୍ଚାୟତ କାର୍ଯ୍ୟାଳୟଠାରେ ଜାତୀୟ ପତାକା ଉତ୍ତୋଳନ କରିଛନ୍ତି l ଏହି ଅବସରରେ ସେ ଆମ ପୂର୍ବପୁରୁଷଙ୍କ କଥା ସ୍ମରଣ କରି ସେମାନଙ୍କ ତ୍ୟାଗ ଓ ଦେଶପ୍ରତି ଥିବା ଜାତୀୟତାବୋଧ ସମ୍ପର୍କରେ ଆଲୋକ ପାତ କରିଥିଲେ l ସରପଞ୍ଚ ଶ୍ରୀ ସ୍ୱାଇଁ ଆଜି ତ୍ରିରଙ୍ଗା ପତାକା ତଳେ ନିଜେ ହାତଟେକି ଶପଥ ନେଇଥିଲେ ଯେ ନିଜ ପଞ୍ଚାୟତର ସର୍ବାଙ୍ଗୀନ ଉର୍ନ୍ନତି, ବିକାଶ ସହିତ ଓଡିଶାରେ ନିଜ ପଞ୍ଚାୟତକୁ ୧ ନମ୍ବର କରିବାପାଇଁ କହିଥିଲେ l ସମସ୍ତ ଜନସାଧାରଣମାନେ ତାଙ୍କୁ ସମର୍ଥନ ଜଣାଇ ଧନ୍ୟବାଦ ଅର୍ପଣ କରିଥିଲେ l ଅପରପକ୍ଷେ ବୋଲଗଡ ଗ୍ରାମପଞ୍ଚାୟତ, ସାଗରଗାଁ ଗ୍ରାମପଞ୍ଚାୟତ, ଗୋପାଳପୁର ଗ୍ରାମପଞ୍ଚାୟତ, ବୋଲଗଡବ୍ଲକ, ବୋଲଗଡ କଲେଜ, ଦେଉଳି କଲେଜ, ରାଧାମାଧବ ସଂସ୍କୃତ ମହାବିଦ୍ୟାଳୟ ଆଦି ସମସ୍ତ ଶିକ୍ଷାନୁଷ୍ଠାନ ଏବଂ ସରକାରୀ କାର୍ଯ୍ୟାଳୟ ସ୍ତରରେ ମହାଆଡମ୍ବର ସହକାରେ ପାଳନ କରାଯାଇଛି l
(ରିପୋର୍ଟ-ସୁଶାନ୍ତ କମାର ପ୍ରଧାନ)